दक्षिण बिहारक जिलामे तापमानमे कनेक गिरावट आबि सकैत अछि। उत्तर बिहारमे सेहो तापमानमे कोनो वृद्धिक पूर्वानुमान नहिं अछि। राज्यक औसत तापमान ३७ सँ ३८ डिग्रीक बीच छल।
बिहारमे बृहस्पतिसँ मौसम एक बेर फेर मोड़ लेबय जा रहल अछि। अनुमान अछि जे मानसूनक पूर्व प्रभाव दक्षिण बिहारमे देखल जा सकैत अछि। पटना मौसम विज्ञान विभागक अनुसार उत्तर बिहारक १९ जिलामे कोनो चेतावनी नहि अछि, आ ने बरखा वा बादल छायल रहबाक कोनो संकेत अछि, मुदा दक्षिण बिहारमे मौसममे बदलावक संकेत भेटि रहल अछि। भबुआ, औरंगाबाद, रोहतास, गया, नवादा, जमुई आ बांका जिलामे किछु ठाम हल्लुकसँ मध्यम बरखा भऽ सकैत अछि। गरज-चमक आ बिजली गिरबाक सम्भावना सेहो अछि।
दक्षिण बिहारक जिलामे तापमानमे कनेक गिरावट देखल जा सकैत अछि। उत्तर बिहारमे सेहो तापमानमे कोनो वृद्धिक पूर्वानुमान नहिं अछि। बिहारमे ११ सँ १४ अप्रैल तीन-चारि दिन धरि प्री-मानसूनक असरि देखल जायत। तेज हवा ३० सँ ४० किलोमीटर प्रति घंटाक रफ्तारसँ चलय केर चेतावनी देल गेल अछि।
१५ अप्रैलसँ तापमानमे दू सँ तीन डिग्रीक वृद्धि देखल जा सकैत अछि। संगहि, गर्मीक लहरिक प्रभाव सेहो भऽ सकैत अछि।
बुधदिनसँ बिहारमे मानसून पूर्व प्रभावक प्रभाव देखल जा रहल अछि। मौसम विभागक अनुसार, बुधदिन आठ जिलामे हल्लुक बरखा भेल अछि। जमुई, बांका, भागलपुर, पूर्णिया, कटिहार, रोहतास, औरंगाबाद आ गया जिलाक किछु भागमे हल्लुक बरखा दर्ज कयल गेल अछि। बुधक तापमान सामान्य छल। कोनो उल्लेखनीय वृद्धि नहिं देखल गेल।
राज्यक तीन जिलामे तापमान ४० डिग्रीक करीब छल। सबसँ बेसी तापमान सिवानक शेखपुरा आ जिरादेईमे ४०.४ डिग्री सेल्सियस दर्ज कयल गेल। औरंगाबादमे अधिकतम तापमान ४० डिग्री सेल्सियस दर्ज कयल गेल। पटनामे न्यूनतम तापमान ३८.१ डिग्री सेल्सियस दर्ज कयल गेल, जाहिमे ०.१ डिग्री बढ़ोत्तरी भेल। बुधदिन राज्यक औसत तापमान ३७ सँ ३८ डिग्रीक बीच छल।
