राजनगर प्रखंड कार्यालय पर भाकपा माले द्वारा सात सूत्री मांग के लऽ कऽ विरोध दिवस मनाओल गेल। कामरेड उतिम पासवानक नेतृत्वमे ई कार्यक्रम मनाओल गेल। एहि कार्यक्रमकेँ उतिम पासवानक अलावा घूरन मंडल, सीता सदाय, मार्केंडेय यादव तथा शिव देवी सेहो सम्बोधित कयलनि।
विरोध दिवस कार्यक्रममे सात सूत्री मांग पत्र प्रखंड विकास पदाधिकारी राजनगर एवं अंचलाधिकारी राजनगरकेँ देल गेल। डॉ भीमराव अंबेडकरक प्रति गृहमंत्री अमित शाह द्वारा कथित रूपसँ अपमानित करबाक कारण त्याग पत्रक मांग, एक देश एक चुनाव बाला विधेयकक वापसी, चुनाव संशोधन बिलक वापसी सहित सात अन्य मांग-सभ – गरीबकेँ ७०००० वार्षिक आय प्रमाण पत्रक निर्गमण, सभ गरीबकेँ २ लाखक सरकारी अनुदान, सभ भूमिहीनकेँ ५ डिसमिल जमीन आ पक्का मकान, सभ बसल गरीबकेँ जमीनक बासगीतक पर्चा, तहिना सामाजिक सुरक्षा पेंशन ३००० मासिक देल जाई, सभ गरीबकेँ 200 यूनिट बिजली तथा सरकारी कार्यालय सभ मे कथित घूसखोरी आ भ्र्ष्टाचार पर लगाम लगयबाक मांग कयल गेल।
