उत्तर बिहार ग्रामीण बैंक शाखा बैरगनियाक प्रबंधक आ कैशियरक खिलाफ ३.६० करोड़ टाकाक धोखाधड़ीक आरोपमे प्राथमिकी दर्ज कयल गेल अछि। वर्तमान प्रबंधक नितिन कुमारक आवेदन पर तत्कालीन प्रबंधक प्रमोद कुमार आ कैशियर आशीष कुमार पर आरोप लगाओल गेल अछि। किछु ग्राहकक खातासँ अवैध निकासीक सेहो खुलासा भेल। ग्राहकक भीड़ देखि दुनू भागि गेलाह। तखन क्षेत्रीय प्रबंधक प्रभात कुमार पहुँचलाह। पता चलल जे दुनू गोटे विभिन्न खातासँ १.६० लाख टाका निकाललनि। एकर बाद प्रबंधक प्रमोद आ कैशियर आशीष कुमारकेँ निलंबित कऽ देल गेल। तखन ७ मार्चसँ बैंकमे स्पेशल आडिट शुरू कयल गेल। ओही दिनक साँझ धरि ग्राहकसँ ८३ टा शिकायत भेटल छल। एहिमे 3 करोड़ 59 लाख 92 हजार 4 रुपया 90 पैसाक धोखाधड़ीक दावा कयल गेल छल। थानाध्यक्ष कुंदन कुमार कहलनि जे आगू कार्रवाई कयल जा रहल अछि।
