उत्तर प्रदेशक मुख्यमंत्री योगी आदित्यनाथ मालेगांव विस्फोट मामिलाक सब सात आरोपीकेँ बरी भेलाक बाद कांग्रेस पार्टीक घेराबंदी कयलनि अछि। ओ कहलनि कि एहि फैसलासँ कांग्रेसक भारत विरोधी, न्याय विरोधी आ सनातन विरोधी चरित्र एक बेर उजागर भऽ गेल अछि। कांग्रेस ‘भगवा आतंकवाद’ जेहेन झूठ शब्द गढ़ि करोड़ों सनातन आस्तिक, संत आ राष्ट्रसेवकक छविकेँ कलंकित करय केर अपराध कयलक। एकर संग-संग सीएम योगी कांग्रेस पार्टीकेँ देशसँ माफी मांगबाक मांग कयलनि अछि।
उत्तराखंडक सीएम पुष्कर सिंह धामी सेहो मालेगांव विस्फोट मामिलाकेँ लऽ कय कांग्रेस पर हमला कयलनि। ओ कहलनि जे, सब आरोपीकेँ बरी करब कांग्रेसक ‘हिन्दू आतंकवाद’क कथन पर एकटा मजबूत झटका अछि।
सीएम योगी काल्हि बृहस्पतिकेँ सोशल मीडिया प्लेटफॉर्म एक्स पर लिखलनि, “मालेगांव विस्फोट मामिला केर सभ आरोपीकेँ बरी कयल जायसँ ‘सत्यमेव जयते’ केर पुनः सजीव उद्घोषणा भेल। एहि फैसलासँ एक बेर फेर कांग्रेसक भारत विरोधी, न्याय विरोधी आ सनातन विरोधी चरित्र उजागर भऽ गेल अछि, जाहिसँ करोड़ों सनातन आस्तिक, संत आ राष्ट्रीय छविकेँ कलंकित करय केर अपराध कयल गेल।
ओ आगू लिखलनि जे ”कांग्रेसकेँ अपन अक्षम्य कुकर्म सार्वजनिक रूपसँ स्वीकार करबाक चाही आ देशसँ माफी मांगबाक चाही।”
एकर संग डिप्टी सीएम केशव प्रसाद मौर्य एक्स पोस्टमे लिखलनि कि ”मालेगांव विस्फोट मामिलामे कोर्टक फैसला सराहनीय अछि। एकर संगहि कांग्रेसक भगवा आतंकवाद गढ़बाक कुत्सित प्रयास ध्वस्त भऽ गेल अछि। केंद्रक तत्कालीन यूपीए सरकार आ महाराष्ट्रक कांग्रेस-एनसीपी सरकार शर्मनाक काज कय एही विस्फोटक माध्यमसँ भगवा आतंकवादक सिद्धांतकेँ गढ़लक आ मुख्य दोषीकेँ पकड़य केर बजाय हिन्दूकेँ गिरफ्तार कय जबरन अपराध कबूल करबाक दबाव बनेलक। अपन स्थापनाक बादसँ कांग्रेस आ गांधी परिवार लगातार हिन्दू केर दुश्मन रहल अछि। एकर निशाना राष्ट्रीय स्वयंसेवक संघ रहल अछि, जकर मूलमे राष्ट्रवाद अछि।”
उत्तराखंडक मुख्यमंत्री पुष्कर सिंह धामी सेहो मालेगांव केस पर प्रतिक्रिया देलाह। ओ सोशल मीडिया प्लेटफॉर्म एक्स पर लिखलाह, ”मालेगांव विस्फोट मामगलामे सभ अभियुक्त सब निर्दोष प्रमाणित होयब कांग्रेसक ‘हिंदू आतंकवाद’ केर नैरेटिव पर एकटा जोरदार प्रहार थिक। कांग्रेस ‘भगवा आतंकवाद’ जेकाँ झूठ नैरेटिवसँ साधु-संत आ सनातन संस्कृति एवं राष्ट्रभक्त सभकेँ बदनाम कयने छल, आजुक निर्णय ओहि पापक पर्दाफाश कयलक अछि। कांग्रेसकेँ देशसँ माफी माँगय केर चाही।”
