मेला क्षेत्र आ शहरकेँ ‘नो व्हेकिल जोन’ घोषित कयल गेल अछि।
आइ (२६ फरवरीकेँ) महाशिवरात्रिक अन्तिम स्नान पर्वक अन्त धरि गंगा आ संगम पर स्नान करयवला भक्तलोकनिक संख्या ६५ करोड़सँ बेसी भऽ सकैत अछि। मेला प्रशासनक अनुसार अरैल क्षेत्रसँ आबयवला श्रद्धालु अरैल घाटक संगम गेट पर स्नान करत। प्रशासन भक्तसभसँ अपील कयलक अछि जे भीड़ नियंत्रण बनाकऽ रखबाक लेल आ सुचारू यातायातक प्रवाह सुनिश्चित करबाक लेल ओ अपन प्रवेश मार्गक निकटतम घाटपर स्नान करथि।
भक्तलोकनिक भीड़क आधार पर डायवर्जन आ पांटून पुलपर पहुँच निर्धारित कयल जायत। मेला क्षेत्रसँ शहर धरि भक्तलोकनिक आवागमन लेल अलग-अलग मार्ग निर्धारित कयल गेल अछि।
डीआईजी वैभव कृष्ण एकटा साक्षात्कारमे कहलनि जे अफवाह पसारययवाला लोकक खिलाफ सख्त कारवाई कयल जाएत। कुम्भ मेलाक डीआईजी वैभव कृष्ण कहलनि जे महाशिवरात्रि स्नान उत्सवक लेल अतिरिक्त पुलिस बल तैनात कयल गेल अछि। आयुक्तालय पुलिस आ रेलवेक संग सेहो समन्वय कयल गेल अछि। मेला क्षेत्र आ शहरकेँ नो व्हीकल जोन घोषित कयल जा रहल अछि। सबटा तैयारी पूरा कए लेल गेल अछि।
वाराणसीमे महाकुंभसँ भारी भीड़ आबय केर कारण चारि दशक’सँ आयोजित शिव बारात एहि बेर महाशिवरात्रि पर नहि होएत बल्कि अगिला दिन २७ फरवरीकेँ एकर आयोजन होएत। जे समिति पिछला ४२ सालसँ काशीमे शिव बारातक आयोजन कऽ रहल अछि, ओ ई निर्णय लेलक अछि।
