22 मईकेँ मद्य निषेध विभाग, पटनासँ भेटल गुप्त जानकारी पर रामपुरहरी थाना कारवाई कयने छल आ छपरा मन केर समीप एकटा ट्रक आ चारिटा चारि पहिया वाहनसँ 2142 लीटर विदेशी शराब जब्त कयने छल। मौकासँ दू टा तस्करकेँ गिरफ्तार कयल गेल – संजीत राय (चक्की रामपुर, सीतामढ़ी), अवनीश कुमार उर्फ मनीष (गौसरा, कुढ़नी, मुजफ्फरपुर)। ओतहि मुख्य आरोपी सुनील राय मौकासँ भागि गेल छल, जकर बाद थानामे प्राथमिकी दर्ज कs जांच शुरू भेल।
१४ जून शनिकेँ भोरमे पटना आबकारी विभागसँ भेटल जानकारी पर कारवाई करैत पुलिस सुनील रायकेँ ओकर पैतृक गाम चक्की रामपुर थाना महिंदवाड़ा जिला सीतामढ़ीसँ गिरफ्तार कय लेलक। ई गिरफ्तारी पुलिसक लेल बड़का सफलता मानल जा रहल अछि।
ग्रामीण एसपी विद्यासागर कहलनि जे, सुनील रायक आपराधिक इतिहास बहुत नमहर अछि। अवैध शराब तस्करी आ आर्म्स एक्टक मामिलामे कतेको बेर जेल जा चुकल अछि. ओकर नेटवर्क मुजफ्फरपुर, सीतामढ़ी, दरभंगा, पूर्वी चंपारण सहित कतेको जिलामे पसरल अछि। आब पुलिस ओकर अर्जित संपत्ति जब्त करबाक प्रक्रिया शुरू करय जा रहल अछि। गिरफ्तारीक बाद आरोपी सुनील रायकेँ न्यायिक हिरासतमे भेजल गेल अछि। पुलिस ओकरासँ पूछताछ कs रहल अछि आओर तस्करी नेटवर्क आ एहिमे शामिल दोसर लोकक तलाशमे अछि।
