बिहारक पूर्व मुख्यमंत्री लालू यादव एकटा पैघ दावा कयलनि अछि। हुनकर कहब छनि जे दिल्लीक मोदी सरकार बहुत कमजोर अछि। ई सरकार अगस्त तक खसि सकैत अछि। एकरा देखैत पार्टी कार्यकर्ता सभकेँ चुनावक लेल तैयार रहबाक चाही।
राष्ट्रीय जनता दल (राजद) प्रमुख आ बिहारक पूर्व मुख्यमंत्री लालू प्रसाद यादव पार्टीक स्थापना दिवस पर पार्टी कार्यकर्ता सभकेँ सम्बोधित कयलनि। एहि दौरान ओ एकटा पैघ दावा कयलथि। लालू कहलनि जे दिल्लीमे मोदी सरकार बहुत कमजोर अछि। ई सरकार अगस्त तक खसि सकैत अछि। एकरा देखैत हम पार्टीक सभ कार्यकर्ता सभसँ कहैत छी जे हुनका चुनावक लेल तैयार रहबाक चाही किएक तँ चुनाव कहियो भऽ सकैत अछि।
राजदक स्थापना दिवस समारोहमे तेजस्वी यादव भाजपा आ नीतीश कुमार पर तीक्षण हमला कयलनि। ओ कहलनि जे सत्ताक लालचमे जेडीयू अपन विचारधारासँ समझौता कयलक। राजद एकमात्र एहन पार्टी अछि जे भाजपाक सामने नहिं तऽ समझौता कयलक आ ने घुटना टेकलक।
तेजस्वी कहलनि, “सत्तामे रहब सबसँ पैघ बात नहिं अछि। हम गरीब आ दलितक लेल लड़ि रहल छी। हालक लोकसभा चुनावमे हमर वोट हिस्सेदारीमे ९ प्रतिशतक वृद्धि भेल, जखन कि एनडीएक वोट हिस्सेदारीमे ६ प्रतिशतक कमी आयल। राजद ४ सीट जीत चुकल अछि। हम आर जीत सकैत छलहुं। ओना एहि चुनावमे हमर गठबंधनकेँ ९ सीट भेटल अछि।
राज्यमे नीतीश कुमारक नेतृत्व वाला सरकार पर हमला करैत तेजस्वी कहलनि कि लोक कहैत छथि जे डबल इंजन सरकार अछि। लगभग २० दिनमे एक दर्जनसँ बेसी पुल ढ़हि गेल अछि। कतेको रेल दुर्घटना भेल अछि। बिहारमे अपराध चरम पर अछि। पेपर लीक भए रहल अछि। एतेक बादो डबल इंजन सरकारक लोक एहि पर बजबा लेल तैयार नहिं अछि।
राजद नेता कहलनि, जखनि ई लोक बजैत छथि तखन कहैत छथि जे तेजस्वी सब किछु कयने छथि। हम मुख्यमंत्री आ भाजपा नेतासभकेँ चुनौती दैत छी जे ढहि गेल पुलक स्वीकृति, निविदा, आधारशिला आ उद्घाटनक तिथि जारी करू।
