बिहारक मिथिला क्षेत्रमे नदीक जलस्तरमे उतार-चढ़ाव जारी अछि। किछु ठाम कटावक स्थिति अछि आ किछु ठाम बाढ़ि अछि। वीरपुरमे कोसी बैराजक १९टा गेट खोलि देल गेल अछि। मंगलदिन कोसी नदीक जलस्तर बढ़ि गेल छल। मंगलदिन कोसीक जलस्तर दू लाखसँ बेसी बढ़ि रहल छल, जखन कि बुधदिन ई घटैत क्रममे दर्ज कयल गेल। गंगा आ कोसी नदी कटिहारमे चेतावनी स्तरक लग पहुँचि गेल अछि। कतेको आन नदीमे सेहो उतार-चढ़ाव भऽ रहल अछि। अहमदाबाद ब्लॉकक भवानीपुर खट्टी पंचायतक अन्तर्गत बबला बन्ना गाममे गंगा नदीसँ भयंकर कटाव भेल अछि। कोसी नदीक जलस्तरमे उतार-चढ़ाव जारी अछि। मंगलदिन फेरसँ बढ़ोत्तरी भेल। एहिसँ नदीक तटबन्धक भीतर गाममे रहयवला लोकक समस्या बढ़ि जायत। मंगलदिन साँझ ६ बजे कोसी बैराज स्थित नियंत्रण कक्षसँ प्राप्त जानकारीक अनुसार कोसी नदीक जलस्तर दू लाख १५ क्यूसेकक बढ़ैत क्रममे दर्ज कयल गेल। जखन कि कोसी बैराज के 23 गेट खोलल गेल। ओतहि बुधदिन १२ बजेक आंकड़ाक अनुसार जलस्तर घटैत क्रममे १ लाख ५४ हजार ४१५ क्यूसेक दर्ज कयल गेल। बैराजक १९ गेट खोलल गेल अछि। जानकारीक अनुसार बराह क्षेत्रमे मंगलदिन साँझ ७ बजे कोसी बैराज पर नदीक जलस्तर 02 लाख 12 हजार 565 क्यूसेक आ बराह क्षेत्रमे 01 लाख 49 हजार 75 क्यूसेक जल स्तर दर्ज कैल गेल। बुधदिन दुपहरिया १२ बजे कोसीक बराह क्षेत्रमे १, लाख ०२, हजार ३५० क्यूसेक पानि दर्ज कयल गेल। बराहमे नदीक जलस्तर घटि रहल अछि। हर घंटामे स्पर आ तटबन्धक चिन्हित स्थानक निगरानी कयल जा रहल अछि। कोसीक ई प्रकृति अछि जे एकर जलस्तरमे उतार-चढ़ाव जारी अछि।
कटिहारमे महानन्दा नदीक जलस्तरमे उतार-चढ़ाव जारी अछि। गंगा, बरंडी, कोसी आ कारी कोसी नदीक जलस्तर लगातार बढ़ि रहल अछि। गंगा नदीक जलस्तर सेहो चेतावनीक स्तरक करीब पहुँचि गेल अछि। कोसी, बरंडी आ कारी कोसी नदी उफान पर अछि। बाढ़ि आ कटावक कारण एतय लोक दहशतमे अछि। अहमदाबाद प्रखंडक भवानीपुर खट्टी पंचायतक अन्तर्गत बबला बन्ना गाममे गंगा नदीसँ भयंकर कटावक सामना करय पड़ि रहल अछि। पैघ मस्जिद कटावक कगार पर अछि। कटावक कारण मस्जिदक प्राङ्गणमे संचालित मदरसाक दू कोठरीक शौचालय कटि गङ्गा नदीमे विलीन भऽ गेल।
