खान सर कहलनि जे हमरा आयोग पर नहिं मुदा नीतीश कुमार पर भरोसा अछि।
बीपीएससीक अभ्यर्थी परीक्षामे अनियमितताक आरोप लगबैत पूरा परीक्षा रद्द करबाक लेल लगातार विरोध प्रदर्शन कऽ रहल छथि। एहि अवधिमे खान सर पुनः उम्मीदवारसभसँ भेंट करबाक लेल गर्दनीबागमे धरनास्थल पहुँचलाह। गुरु रहमान सेहो धरना स्थल पर पहुँचलथि, मुदा पीके नहिं पहुँचलाह, एहि लेल गुरु रहमान हुनका पर आरोप सेहो लगौलनि।
खान सर कहलनि, “हमरा सबकेँ आब आयोग पर भरोसा नहि अछि, मुदा मुख्यमंत्री नीतीश कुमार पर पूरा भरोसा अछि। एहि लेल जहिना ओ बिहार पुलिसमे हमर मांग सुनने छलाह तहिना ओ नाॅर्मलाइजेशन लेल सेहो सुनताह आ समाप्त कऽ देताह। जाधरि नाॅर्मलाइजेशन समाप्त नहि भऽ जायत हमसभ कतहु नहि जाएब।”
खान सर कहलनि जे बीपीएससीक अध्यक्ष मात्र एक बेर कहि दैथ जे नाॅर्मलाइजेशन नहिं होयत। ओ कहलनि जे आब हमर सभक एकमात्र मांग अछि जे एकटा परीक्षा, एकटा पेपर, एकटा पाली होय। एकरा पूरा भेलाक बाद हमसभ वापस आबि जाएब। खान सर आयोग पर आरोप लगबैत कहलखिन जे बीपीएससी मात्र झूठ बाजैत अछि। ओ कहलनि जे बीपीएससीक अध्यक्ष हमरा कहलनि जे ओ १५ तारीखकेँ छात्रसभसँ गप्प करताह, मुदा ओ गप्प नहि कयलनि। ओ कहलनि कि आखिर बीपीएससी अध्यक्ष विद्यार्थी सभसँ बात किएक नहिं कयलनि।
