राजनीति वक्फ संशोधन विधेयकक खिलाफ भ’ रहल धरना-प्रदर्शन आरजेडी द्वारा प्रायोजित : खालिद अनवर March 26, 2025 Maithil Punarjagran Prakash नई दिल्ली समदिया * जेडीयू एमएलसी खालिद अनवर कहलनि अछि जे मुसलमान सभक बीच विधेयककेँ लऽ कऽ डर अछि। जाधरि मुसलमान सभक शंकाक समाधान नहि होयत, ताधरि ई संसदमे पास नहि होयत। राजधानी पटनाक गर्दनीबागमे ऑल इंडिया पर्सनल मुस्लिम लॉ बोर्ड संगे कतेको मुस्लिम संगठन बुध (26 मार्च, 2025) केँ धरना देलक। वक्फ संशोधन विधेयकक विरुद्ध जारी ई धरना-प्रदर्शनक बीच सीएम नीतीश कुमारक पार्टी जेडीयूसँ सेहो प्रतिक्रिया भेटल अछि। जेडीयू एमएलसी खालिद अनवर कहलनि अछि जे मुसलमान सभक बीच विधेयककेँ लऽ कऽ डर अछि। जाधरि मुसलमान सभक शंकाक समाधान नहि होयत ताधरि ई संसदमे पास नहि होयत। नीतीश चाहैत छथि जे शंकाक समाधान कयल जाय। खालिद अनवर कहलनि जे सीएम नीतीश पहिने कहि चुकल छथि जे एहि विधेयक पर स्टेकहोल्डर्स’सँ बातचीत होयबाक चाही आ हुनकर विचारकेँ शामिल करबाक चाही। देशक सभ मुसलमान जे एहि विधेयककेँ ल’ क’ विभिन्न धारणा रखै छथि, हुनका आश्वस्त करैत छी जे हुनक शंकाक समाधानक बिना ई बिल कानूनक रूप नहि लेत। ताधरि संसदमे पारित नहि होयत। वक्फक संपत्तिसभ लऽ कऽ मुसलमानमे डर पैदा कएल गेल अछि। खालिद अनवर आरजेडी पर निशाना साधलनि। पटनामे वक्फ संशोधन विधेयकक खिलाफ भ’ रहल धरना-प्रदर्शनकेँ खालिद अनवर आरजेडी द्वारा प्रायोजित कहलनि। ओ कहलनि जे आरजेडीसभ वक्फक संपत्तिसभ केर लूटनाइक काज कयलक। कहल जाइत अछि जे खालिद अनवर जेडीयू केर पैघ अल्पसंख्यक चेहरा छथि। दोसर दिसि सीएम योगी केर एकटा बयान पर खालिद अनवर कहलनि जे ओ अपन मर्यादासँ कखनो-कखनो नीचा उतरि जाइत छथि। सभ्य नेताकेँ एहेन बयानबाजी नहिं करबाक चाही। जखनि मनुष्य अपन संवैधानिक मर्यादासँ नीचा उतिर बात करय लगैत अछि तँ फेर एकरा किएक जवाब देल जाए ? जनतब जे यूपी केर सीएम योगी आदित्यनाथ संभल पर कहलनि जे जतेक होएत से सभकेँ खोदब। मथुरा श्रीकृष्णक जन्मभूमि नहिं अछि की ? हम कोर्टक आदेशक पालन करै छी, नहि तऽ एखनि धरि ओहि ठाम बहुत किछु भऽ गेल रहैत। Spread the love
