दुड्डू सत्य वेंकट सूर्य सुब्रमण्य गणेश शर्मा द्रविड़केँ कांची कामकोटि पीठमक 71म आचार्यक रूपमे नियुक्त कयल जेतनि। ई वर्तमान शंकराचार्य स्वामी विजयेन्द्र सरस्वती द्वारा कांचीपुरममे 30 अप्रैल अक्षय तृतीया दिन वैदिक विधि विधानसँ आयोजित एकटा समारोहमे संन्यास ग्रहण करताह।
सुब्रमण्यम आंध्र प्रदेशक अन्नव क्षेत्रक ऋग्वेदक घनपाठी विद्वान छथि।
ई 2006 सँ श्री कांची कामकोटि पीठम केर पूज्य शंकराचार्य स्वामीकेँ मार्गदर्शनमे यजुर्वेद, सामवेद, षडंग, दशोपनिषद एऐ शास्त्रीय अध्ययन पूरा कयलनि अछि।
ई आयोजन जगद्गुरु आदि शंकराचार्यक 2534म जयंती महोत्सव पर आयोजित होयत।आदि शंकराचार्य 482 ईसा पूर्वमे कांचीपुरममे श्री कांची कामकोटि पीठमक स्थापना कयने छलाह।
विदित होय जे मिथिलाक प्रकांड विद्वान पंडित मंडन मिश्र एहि पीठक दोसर आचार्य भेल छलाह जे सुरेशाचार्यक नामे विख्यात भेलाह।
