पटना हाईकोर्ट केर न्यायमूर्ति सह निरीक्षी न्यायाधीश आलोक कुमार पांडेय शनि दिन मत्स्यगंधा स्थित रक्तकाली चौसठ योगिनी मंदिरमे पूजा-पाठ कयलनि। एहि अवसर पर जिला एवं सत्र न्यायाधीश गोपालजी एवं मुख्य न्यायाधीश बलराम दुबे सेहो उपस्थित रहलाह। एहि अवसर पर मंदिरक मुख्य पुजारी रंजीत झा एवं रविन्द्र कुमार झा विधिवत पूजा करौलनि। पटना हाईकोर्टक न्यायमूर्ति सह निरीक्षी न्यायाधीश आलोक कुमार पाण्डेयकेँ जिला अतिथि गृह पहुंचैत देरी गार्ड ऑफ ऑनर देल गेल। जाहिमे जिलाधिकारी वैभव चौधरी, पुलिस अधीक्षक हिमांशु, जिला एवं सत्र न्यायाधीश गोपालजी, परिवार न्यायालयक मुख्य न्यायाधीश बलराम दुबे, अपर सत्र न्यायाधीश द्वितीय रवि रंजन उपस्थित रहलाह।अतिथि गृहसँ व्यवहार न्यायालय पहुंचलाक बाद कोर्ट सत्रमे बैसि न्याय अधिकारी द्वारा कयल गेल न्यायिक काजक निरीक्षण केलनि। निरीक्षणक दौरान ओ सुरक्षा स्थल आ मंडल जेलक सेहो निरीक्षण केलनि। अंततः डीएलएमसी केर साँझमे कोर्टमे बैसार भेल। एहि दौरान महिषी स्थित उग्रतारा मंदिर आ कंदाहा स्थित सूर्य मंदिरमे प्रार्थना कयल गेल। पंडित बाबू कांत झा द्वारा कंदाहा मंदिरमे प्रार्थना कयल गेल। एहि अवसर पर मंदिर प्रशासक कुमार हीरा प्रभाकर, दरबार कर्मचारी सत्यव्रत मिश्र, वरिष्ठ अधिवक्ता अरविंद त्रिवेदी , वीरेन्द्र कुमार झा, उपेन्द्र प्रसाद सहित अन्यान्य लोक उपस्थित रहलाह।
