जेडीयू मणिपुरक प्रदेश अध्यक्षक खिलाफ पैघ कारवाई करैत हुनका पदसँ हटा देलक अछि। ओ एनडीएसँ अलग होयबाक पत्र जारी कयने छलाह।
जदयू केर राष्ट्रीय प्रवक्ता राजीव रंजन कहलनि कि मणिपुर केल बारेमे भ्रम पसारल जा रहल अछि, ओतय एनडीए सरकारकेँ समर्थन जारी रहत, मणिपुर जदयू अध्यक्षक अनुशासनहीनताक आरोपमे हटा देल गेल अछि। जदयू केर राष्ट्रीय प्रवक्ता राजीव रंजन प्रसाद कहलनि, “ई भ्रामक आ निराधार अछि। पार्टी एकर संज्ञान लेलक अछि आ पार्टीक मणिपुर इकाईक अध्यक्षकेँ हुनक पदसँ मुक्त कऽ देल गेल अछि। हम एनडीएकेँ समर्थन कयने छी आ हमर समर्थन जारी रहत।”
ओ आगू कहलनि जे मणिपुर इकाईक केन्द्रीय नेतृत्वसँ कोनो संवाद नहि छल, ओ (मणिपुर जदयू प्रमुख) अपन इच्छासँ पत्र लिखने छलाह, हुनक विरुद्ध कारवाई कयल गेल अछि आ हुनका पदसँ हटा देल गेल अछि। हम एनडीए केर संग छी आ राज्य इकाई राज्यक विकास लेल मणिपुरक लोकक सेवा करब जारी राखत।
मणिपुरक एनडीए सरकारसँ जेडीयूक समर्थन वापिस लेबाक पत्र जारी भेलाक बाद दिल्लीसँ पटना धरि राजनीतिक हलचल मचि गेल। स्थितिकेँ कोनो तरहेँ सम्हारल गेल आ मणिपुर जेडीयू अध्यक्ष बीरेन सिंहकेँ कारवाई करैत हुनक पदसँ हटा देल गेल। ई हुनक गलती छल जे ओ एनडीएसँ अलग होयबाक दावा करैत चिट्ठी लिखने छलाह।
एकर बाद जदयू केर राष्ट्रीय प्रवक्ता राजीव रंजन प्रसाद एहि पत्रकेँ गलत बताबैत कहलनि कि पार्टी एखनो राजग केर संग अछि। मणिपुरमे एनडीए सरकार बनल रहत। ओ कहलनि जे मणिपुरक जदयू नेता ई अनुशासनहीनता कयने छलाह आ तेँ हुनका पदसँ हटा देल गेल अछि। राजीव रंजन कहलनि जे ओ ई पत्र केन्द्रीय नेतृत्वसँ बिना गप्प कयने लिखने छलाह।
