मधुबनी जिलाक बेनीपट्टी प्रखंड अंतर्गत जगत गाम निवासी प्रसिद्ध शिक्षाविद डॉ. उदित नारायण झा नहि रहलाह।दिल्लीमे उपचारक क्रममे विगत 15 अगस्त वृहस्पति दिन, हुनक निधन भऽ गेलनि। ओ ७४ वर्षक छलथि।
जनतब जे, ओ विगत छह माससँ अप्पन उपचारक क्रममे अप्पन पुत्र केशव झा केर संग दिल्लीमें छलथि। हुनक अंतिम संस्कार, मधुबनी जिलान्तर्गत बेनीपट्टी प्रखंडक पैतृक गाम जगतमे कएल गेल।
हुनक एकमात्र पुत्र केशव झा (महासचिव मैथिल साहित्य महासभा) द्वारा मुखाग्नि देल गेल, संगहि शास्त्र विधि द्वारा हुनक श्राद्धकर्म संपन्न कराओल जा रहल अछि। स्व. डॉ उदित नारायण झा केर निधनसँ सम्पूर्ण ग्रामीण समाज शोकाकुल अछि, ओ अपना पाछा एक पुत्र आ पांच पुत्री सहित भरल पुरल परिवार छोड़ि गेल छथि।
