गयामे केंद्रीय मंत्री जितन राम मांझी भारत-पाकिस्तानक बीच तनातनी पर पैघ बयान देलनि अछि। ओ कहलनि जे पाकिस्तान हरदम कायराना हरकत करैत अछि। केंद्रीय मंत्री कहला जे भारतीय सेना आ पीएम नरेंद्र मोदी एखनो संयम बरति रहल छथि।
जितन राम मांझी शनिकेँ बोधगया स्थित अपन आवास पर पत्रकार सभसँ बात कऽ रहल छलाह। ओ कहलनि जे तीर्थ स्थान या पर्यटन स्थलक ऊपर आतंकी निहत्था लोककेँ निशाना बनेलक। आतंकी कारवाई सबसँ पहिने पाकिस्तान द्वारा शुरू कयल गेल।
केंद्रीय मंत्री आगू कहलनि, “जवाबी कारवाईमे भारत द्वारा नागरिक इलाकाकेँ निशाना नहि बनाओल गेल। पाकिस्तानक कारवाईक जवाबमे भारतीय सेना आ पीएम मोदी एखनो संयम बरति रहल छथि।”
मंत्री मांझी कहलनि जे बर्दाश्त करबाक सेहो एकटा हद होइछ। भारत ‘ऑपरेशन सिंदूर’क तहत पहलगाम हमला केर बदला पाकिस्तान आ पीओके स्थित आतंकी ठिकानाककेँ ध्वस्त क’ लेलक अछि। जितन राम मांझी कहला जे पाकिस्तानकेँ अंतिम सबक सिखेबाक समय आब आबि गेल अछि।
तनावपूर्ण स्थितिमे दुनू देश सभक बीच वार्ता पर ओ कहलनि, “एहेन बात सभ किएक कयल जा रहल अछि ? पाकिस्तानकेँ नसीहत कियैक नहि देल जा रहल अछि ? भारत मात्र बचावमे कारवाई कऽ रहल अछि। तनाव कम करबाक नसीहत भारतकेँ देनाइ हास्यास्पद अछि।”
केंद्रीय मंत्री कहलनि कि आतंकक खिलाफ लड़ाईमे भारतक बच्चा-बच्चा संग अछि। झगड़ाकेँ अंतिम रूप देबाक समय आबि गेल अछि। पाकिस्तान बेर-बेर उकसावाक कारवाई करैत अछि।
ओ कहलनि कि युद्धमे बहुत रास बात नहि कहल जाइछ। मिसाइल आ ड्रोनसँ हमला कएल जा रहल अछि। एहेनमे एयरबेस पर हमला करनाइ सही अछि ? जीतन राम मांझी कहलनि, “भारतकेँ ककरो दबावमे नहि आबय केर चाही। युद्ध जतेक लंबा चलय ततेक जारी रहय केर चाही।” ओ कहलनि कि भारतक सेना बहादुरीसँ पाकिस्तानकेँ उत्तर दऽ रहल अछि। पाकिस्तानक खिलाफ कारवाई पर विपक्षी दल सबहक सेहो समर्थन अछि। जीतन राम मांझी कहलथिन कि भारतक लड़ाई आम लोकसँ नहि बल्कि आतंकवादीसँ अछि।
