पाकिस्तानमे आतंकक कारखानासभ पर भारतक सैन्य हमलासभक भारतकेँ वैश्विक समर्थन भेटि रहल अछि। दुनियाभरक सरकारसभ आ नेता सभ अपन नागरिकक रक्षा करय आ क्षेत्रसँ आतंकक समाप्तिक लेल हरसंभव प्रयासक भारतक अधिकारक समर्थन कयलक अछि। अमेरिकासँ ल’ क’ यूरोपीय संघ आ किछु अरब देशसभ तक, भारतक हवाई हमलाकेँ उचित ठहराओल अछि। किछु तँ पाकिस्तानसँ आओर बेसी हमला नहि करय लेल कहलक अछि।
भारतकेँ वैश्विक समर्थन सीमा पार आतंकवादी ठिकाना सभ पर भारत द्वारा कयल गेल नापल-जोखल आ सोचल-समझल हमलाक कारण भेटल अछि। विदेश सचिव विक्रम मिस्री भारतीय हमलाक तुरंत बाद ऑपरेशनक बारेमे जानकारी देलनि आ ईहो कहलनि कि केना कोनो तरहक क्षतिसँ बचल गेल।
एकर बावजूद, पाकिस्तान हमला पर सख्त प्रतिक्रिया दैत लगातार दुई रात भारतीय सैन्य प्रतिष्ठान आ आम नागरिककेँ निशाना बनाबए केर प्रयास कयलक, यद्यपि ओकर सभ प्रयास विफल भ’ गेल।
भारत अपन प्रतिक्रियामे दृढ़ आ दृढ़ निश्चयी रुख अपनैलक। ई केवल पाकिस्तान द्वारा कएल गेल हर हमलाकेँ विफल नै कयलक, बल्कि अपना धरती पर आतंकवाद केर बढ़ावा देबाक बाद पाकिस्तानक दुस्साहस केर मित्र देश सभ आ वैश्विक निकाय सभकेँ जानकारी द’ क’ कूटनीतिक युद्धक सहारा सेहो लेलक।
विदेश मंत्री एस. जयशंकर बृहस्पतिक राति पाकिस्तान द्वारा कएल गेल मिसाइल आ ड्रोन हमलाक तुरंत बाद अमेरिका आ यूरोपियन संघक समकक्ष लोकसँ बात कयलनि आ हुनका कहलनि जे जँ दोसर दिशिसँ कोनो कारवाई कयल जायत, त’ भारत ओकर दृढ़ प्रतिक्रिया देत।
ब्रिटेनक विदेश मंत्री डैविड भारतक कार्य सभक समर्थन करैत कहलनि जे भारत लग आक्रोशित होयबाक पर्याप्त कारण अछि। ब्रिटेनक पूर्व प्रधानमंत्री ऋषि सूनक कहलनि, “कोनो देशकेँ सीमा पार आतंकवादकेँ सहन नहि करबाक चाही।”
रुस बढ़ैत सैन्य तनाव पर चिंता व्यक्त कएलक आ सभ रूपमे आतंकवादक निंदा कएलक। इजरायल भारतकेँ आत्मरक्षाक अधिकारक समर्थन कए कहलनि, “आतंकवादी लेल कोनो पनाहगाह नहि अछि।”
युरोपीयन यूनियन आ ओकर सभ 27 सदस्य देश भारत केर पक्षमे संयुक्त बयान जारी कएलक, जखनिकि फ्रांस , नीदरलैंड आ जापान जकाँ देश सभ भारत केर आत्मरक्षाक अधिकारक समर्थन कए चुकल अछि।
अमेरिकन राष्ट्रपति डोनाल्ड ट्रम्प भारतक संप्रभुता आ आतंकवाद केर प्रत्युत्तर देबाक अधिकार केर समर्थन कएलनि अछि। किछु इस्लामी राष्ट्र सउदी अरब, यूएई, कतर, इरान, बंगलादेश आदि सेहो आतंकवादक विरुद्ध भारतीय कारवाईक समर्थन कयलक अछि।
