इन्डोनेशियाक राष्ट्रपति प्रबोवो सुबियांतो गणतंत्र दिवस परेडमे मुख्य अतिथिक रूपमे भाग लेबाक लेल भारत पहुँचल छथि। ओ बृहस्पतिक राति नई दिल्ली पहुँचलाह। हवाई अड्डा पर विदेश राज्य मंत्री पावित्रा मार्गेरिटा हुनक स्वागत कयलनि। प्रबोवो सुबियांतो इन्डोनेशियाक चारिम राष्ट्रपति छथि जे गणतंत्र दिवस परेडमे मुख्य अतिथि छथि। ओ राष्ट्रपति भवनमे राष्ट्रपति द्रौपदी मुर्मू आ प्रधानमन्त्री नरेन्द्र मोदीसँ भेंट कयलनि। भारत आ इंडोनेशियाक बीच दिल्लीक हैदराबाद हाउसमे प्रधानमंत्री मोदी आ इंडोनेशियाक राष्ट्रपति प्रबोवो सुबियांतोक उपस्थितिमे एमओयूक आदान-प्रदान भेल।
मोदी कहलनि “२०१८ मे इंडोनेशिया यात्राक क्रममे हम अपन साझेदारीकेँ एकटा व्यापक रणनीतिक साझेदारी आगू बढ़ेलौं। आई राष्ट्रपति प्रबोवोकसँ द्विपक्षीय सहयोगक अनेक पहलू पर चर्चा भेल। रक्षा क्षेत्रमे सहयोग आओर बढ़ेबाक लेल हम विनिर्माण आ आपूर्तिमे मिलिकऽ काज करबाक निर्णय लेने छी। हम समुद्री सुरक्षा, साइबर सुरक्षा, आतंकवादक मुकाबला आ कट्टरपंथ मुक्त करबामे सहयोगपर सेहो जोर देब।”
ओ आगू कहलनि, “समुद्री सुरक्षा आ सुरक्षाक क्षेत्रमे आइ हस्ताक्षरित एमओयू अपराध रोकथाम, खोज आ बचाव आ क्षमता निर्माणमे हमर सहयोगकेँ आओर मजबूत करत। पाछुक किछु सालमे हमर द्विपक्षीय व्यापार तेजीसँ बढ़ल अछि। पाछुक साल ई 30 अरब डॉलरसँ बेसी छल।”
