केंद्रीय मंत्री आ भाजपाक नेता गिरिराज सिंह कांग्रेस पार्टी पर जोरदार राजनीतिक हमला कयलनि अछि। ओ सीजफायरक लेल अमेरिकी राष्ट्रपतिक दबाव पर कांग्रेस द्वारा प्रश्न उठाबय पर कहलनि, कांग्रेस पार्टी होय वा आर कोनो, देशमे टुकड़ा-टुकड़ा गैंगक सदस्य छथि जे एखनौंह पाकिस्तानक भाषा बाजि रहल अछि आ सबूत मांगि रहल अछि। बेगूसरायमे पत्रकार सभ संग बातचीतमे ओ एहेन लोक सभकेँ सलाह दैत कहलनि, जँ सबूत मांगय केर अछि तँ पाकिस्तान जाउ, ओहिठामक प्रधानमंत्रीसँ सबूत मांगि लेल जाय, ओहिठाम सबूत भेटत। सेनाक प्रवक्ता उत्तर देने छथि। आई पाकिस्तान ‘बाप-बाप’ कय रहल अछि जखनि ओकर देशमे घुसि कऽ आतंकी ठिकानापर लक्षित हमला भेल।
आगू ओ कहलनि, “आई ओतय केर आतंकवादी पैघ-पैघ सभा कऽ हमर प्रधानमंत्री नरेंद्र मोदीकेँ गाइर दऽ रहल अछि। आई जकरा सबूत लेबय केर होए ओ पाकिस्तान जाउ आ पाकिस्तानसँ सबूत लऽ आउ, सबूत होएत आतंकीक खंडहर घर, सबूत होएत नौ एयर बेस जे खंडहर बनि गेल। हवाई जहाज वा एकोटा लड़ाकू विमान उड़बाक लायक नहि रहल। पूरा देश-दुनिया देखलक अछि। मुदा, भारतक किछु लोक छथि जिनका सबूतक आवश्यकता अछि।”
जनतब जे केंद्रीय मंत्री गिरिराज सिंह ऑपरेशन सिंदूरक बाद विपक्ष पर आक्रामक रहल छथि। केंद्रीय मंत्री पहिने कहि चुकल छथि जे आतंकवादक नाश होएबाक चाही। पड़ोसी देशक हालत नीक नहिं अछि। ओ कहने छलथि जे पाकिस्तान आंतरिक कलहसँ लड़ि रहल अछि। किछु देश छोड़ि कय सम्पूर्ण संसारमे अलग पड़ि गेल अछि।
