हरियाणामे भाजपा लगातार तेसर बेर सरकार बनायत। ई एहन करयवला राज्यक पहिल पार्टी होयत। पार्टी राज्यक कुल ९० सीटमेसँ ४८ सीट जीतैत बहुमत प्राप्त कयलक। पछिला चुनावक तुलनामे एहि बेर ८ सीटक बढ़ोत्तरी भेल अछि।
कांग्रेसकेँ 37 सीट भेटल अछि। एहि चुनावमे कांग्रेसकेँ सेहो ६ सीटक फायदा भेटल अछि। मुख्यमंत्री नायब सैनी लाडवा आ कांग्रेस नेता आ पूर्व मुख्यमंत्री भूपेन्द्र हुड्डा गढ़ी-सांपला सीट पर जीति दर्ज कयलनि।
कांग्रेस एहि परिणामकेँ स्तब्ध करयवला बतौलक अछि। संगहि सीएम सैनी कहलनि जे जनता कांग्रेसक झूठक खारिज कऽ देलक अछि। भाजपाक बढ़तक बाद प्रधानमंत्री नरेन्द्र मोदी सीएम नायब सिंह सैनीकेँ फोन कऽ जीतपर बधाई देलनि।
एम्हर खबर आबि रहल अछि जे नव सरकारक शपथ ग्रहण दशहरा अर्थात १२ अक्टूबरकेँ भऽ सकैत अछि।
