रेखा गुप्ता, जे वर्तमानमे भारतीय जनता पार्टीक शासित राज्यसभमे एकमात्र पहिल महिला मुख्यमंत्री हेतीह आइ शपथ लेतीह। ई शालीमार बाग विधानसभा क्षेत्रसँ दिल्ली चुनाव जीतलीह जखन कि प्रवेश वर्मा नई दिल्ली विधानसभा सीटसँ अरविंद केजरीवालकेँ पराजित कऽ ‘मजबूत प्रतिद्वंद्वी’केँ हरौलनि।
बुधकेँ राष्ट्रीय राजधानीमे भाजपाक विधायक दलक बैसारमे दुनू नेताक नामक घोषणा कयल गेल।
बीजेपी ७० सदस्यीय सदनमे ४८ सीट जीतैत आम आदमी पार्टी (आप)क एक दशक पुरान शासनकेँ समाप्त कऽ देलक। आम आदमी पार्टी मात्र २२ सीट जितबामे सफल रहल आ अरविन्द केजरीवालक नई दिल्ली निर्वाचन क्षेत्र आ मनीष सिसोदियाक जंगपुरा सहित प्रमुख सीट हारि गेलाह।
मुख्यमंत्रीक नामकेँ अन्तिम रूप देलाक संग आइ (बृहस्पतिदिन) दुपहरियामे रामलीला मैदानमे भव्य शपथ समारोह आयोजित अछि। यही समारोहमे आइ रेखा गुप्ता दिल्लीक मुख्यमंत्री पदक सपथ ग्रहण करतीह आ प्रवेश वर्मा उप-मुख्यमंत्री पदक शपथ लेताह। अन्य प्रायः छः टा विधायकक मंत्री पदक शपथ लेबाक संभावना बनल अछि, मुदा समाचार सम्प्रेषण तक आधिकारिक घोषणा नहि भेल छल।
एहि समारोहमे पार्टी शासित राज्यक मुख्यमंत्री सहित भाजपाक शीर्ष नेता आ कतेको हस्ती उपस्थित होयबाक सम्भावना अछि।
