केन्द्रीय गृह मंत्री अमित शाह कहलनि अछि जे केन्द्र सरकार जम्मू-कश्मीरमे सशस्त्र बल अधिनियमकेँ निरस्त करबा पर विचार करत। एकटा साक्षात्कारक क्रममे ओ कहलनि जे सरकार ओतयसँ सैनिक वापिस लेबाक योजना बना रहल अछि आ कानून-व्यवस्था मात्र जम्मू-कश्मीर पुलिसपर छोड़बाक योजना बना रहल अछि। ओ कहलनि जे पहिने जम्मू-कश्मीर पुलिसपर भरोसा नहिं कयल जा सकैत छल मुदा आब ओ विभिन्न ऑपरेशनक नेतृत्व कऽ रहल अछि।
अफस्पा (एएफएसपीए) अशांत क्षेत्रमे कार्यरत सशस्त्र बलसभक ओहि जवानकेँ अधिकार दैत अछि जे अशांत क्षेत्रमे तैनात छथि कि “जँ सार्वजनिक व्यवस्थाक रखरखाव”क लेल आवश्यक भेलापर तलाशी, गिरफ्तार आ गोली मारबाक अधिकार दैत अछि। सशस्त्र सेनाक संचालनकेँ सुगम बनयबाक लेल एएफएसपीएक अन्तर्गत कोनो क्षेत्र वा जिलाकेँ अशांत घोषित कयल जाइत अछि।
साक्षात्कारक दौरान शाह विपक्षी नेता फारूक अब्दुल्ला आ महबूबा मुफ्ती पर निशाना साधलनि। शाह कहलनि जे दुनू नेताकेँ आतंकवाद पर बजबाक कोनो अधिकार नहिं अछि। हुनक समयमे जतेक फर्जी मुठभेड़ भेल ततेक कहियो नहिं भेल अछि। पिछला पांच सालमे एको टा फर्जी मुठभेड़ नहिं भेल अछि। बल्कि फर्जी मुठभेड़मे शामिल लोकक खिलाफ एफआईआर दर्ज कयल गेल अछि। हमसभ कश्मीरक युवासभसँ वार्ता करब, नहिं कि ओहि सङ्गठनक सङ्ग जकर जड़ि पाकिस्तानमे अछि।
शाह आगू कहलनि कि मोदी सरकार आतंकवादी गतिविधिमे शामिल हेबाक कारण १२ टा संगठन पर प्रतिबंध लगा देलक अछि। ३६ व्यक्तिकेँ आतंकवादी घोषित कएल गेल अछि। आतंकवादक वित्तपोषण पर अंकुश लगाबय लेल २२ सँ बेसी मामिला दर्ज कयल गेल अछि आ १५० करोड़ टाकाक संपत्ति जब्त कयल गेल अछि। ओ कहलनि जे ९० टा सम्पत्ति सेहो कुर्क कयल गेल अछि आ १३४ बैंक खाता फ्रीज कऽ देल गेल अछि।
