दिल्लीमे शराब नीति मामलामे सीएम केजरीवालक खिलाफ सीबीआई चार्जशीट पर सुनवाई २७ अगस्त तक स्थगित कऽ देल गेल। सीबीआई अदालतकेँ कहलक जे हुनका मुकदमा चलयबाक स्वीकृति नहिं भेटल अछि।
गौरतलब अछि जे २९ जुलाईकेँ सीबीआई मुख्यमंत्री अरविन्द केजरीवालक विरुद्ध आबकारी नीति मामिलामे राउज एवेन्यू कोर्टमे आरोपपत्र दाखिल कयलक। राउज एवेन्यू स्थित अलग सीबीआई अदालतमे आरोपपत्र दाखिल करैत सीबीआई दावा कयलक जे सीबीआई एहि मामिलामे कथित अनियमितताक जाँच कऽ रहल अछि। उच्च न्यायालयक आदेशकेँ सर्वोच्च न्यायालयमे चुनौती देल गेल।
मुख्यमंत्री अरविन्द केजरीवाल सीबीआई द्वारा हुनक गिरफ्तारीकेँ बरकरार रखबाक उच्च न्यायालयक आदेशकेँ सर्वोच्च न्यायालयमे चुनौती देलनि अछि। ५ अगस्तकेँ दिल्ली उच्च न्यायालय मुख्यमंत्रीक गिरफ्तारीकेँ बरकरार रखलक।
गिरफ्तारीकेँ बरकरार रखबाक निर्णयसँ पहिने अदालत सुनवाईक दौरान कहलक जे सीबीआई जे कार्रवाई कऽ रहल अछि ओ द्वेषसँ प्रेरित नहिं अछि। जांच एजेंसी साबित कऽ देलक अछि जे मुख्यमंत्री गवाह सभकेँ प्रभावित कऽ सकैत छथि। हुनकर गिरफ्तारीक बादहि किछु लोक गवाही देबाक लेल आगू आयल। मुख्यमंत्रीक वकील कहलनि जे अदालतक एहि फैसलाक विरुद्ध आब सर्वोच्च न्यायालयमे याचिका दायर कयल गेल अछि।
जानकारीक लेल जनतब जे दिल्ली आबकारी नीति मामिलासँ जुड़ल कथित मनी लॉन्ड्रिंग मामिलामे मुख्यमंत्री अरविंद केजरीवालकेँ ईडी २१ मार्च २०२४ केँ गिरफ्तार कयलक। सीबीआई आ ईडी आबकारी नीतिमे संशोधन आ लाइसेंसधारककेँ अवैध लाभ देबामे अनियमितताक आरोप लगओलक अछि।
