राज्यसभामे राष्ट्रपतिक अभिभाषणक लेल धन्यवाद प्रस्ताव पर चर्चाक क्रममे प्रधानमंत्री नरेन्द्र मोदी विपक्ष, विशेष रूपसँ कांग्रेसपर कड़ा हमला कयलनि। ओ कहलनि जे सत्तारूढ़ आ विपक्षी दुनू सांसद अपन विचार व्यक्त कयलनि, मुदा कांग्रेससँ ‘सबका साथ, सबका विकास’क अपेक्षा करब एकटा पैघ गलती होयत, किएक तँ ई हुनकर सोच आ नीतिक विरुद्ध अछि।
प्रधानमंत्री मोदी कहलनि जे हमर सरकार मात्र एकटा वर्ग वा समुदायक लेल नहि बल्कि सम्पूर्ण देशक कल्याणक लेल काज कऽ रहल अछि। ओ विपक्षक आलोचना करैत कहलनि जे कांग्रेसक राजनीति सदैव विभाजन आ तुष्टीकरणक विषयमे रहल अछि। ओ टिप्पणी कयलनि जे कांग्रेसक एजेण्डामे समावेशी विकासक लेल कोनो स्थान नहि अछि, किएक तँ हुनकर नीति वोट बैंकक राजनीति धरि सीमित अछि।
प्रधानमंत्री कहलनि जे जखनि हमर सरकार ‘सबका साथ, सबका विकास’क बात करैत अछि तखन ई मात्र एकटा नारा नहि अछि, बल्कि सरकारक कार्य संस्कृति आ प्रतिबद्धताक प्रमाण अछि। ओ आरोप लगओलनि जे कांग्रेस सदैव समाजकेँ विभाजित कऽ अपन राजनीति चमकयबाक प्रयास कयलक अछि, जखनि कि वर्तमान सरकार गरीब, किसान, मजदूर आ युवाक लेल बिना कोनो भेदभावक योजना बना रहल अछि।
प्रधानमंत्री मोदीक बयानक बाद सदनमे विपक्ष दिसिसँ जोरदार हंगामा भेल, मुदा ओ अपन संबोधन जारी रखैत ई स्पष्ट कयलनि जे हमर सरकार समावेशी विकासक नीतिक प्रति प्रतिबद्ध रहत आ जनताक विश्वास कहियो नहि टूटय देत।
राज्यसभामे राष्ट्रपतिक अभिभाषणक लेल धन्यवाद प्रस्ताव पर चर्चाक क्रममे प्रधानमंत्री नरेन्द्र मोदी अपन भाषणमे सरकारक विकास नीतिक सम्बन्धमे एकटा महत्वपूर्ण वक्तव्य देलनि। ओ कहलनि जे देशक जनता हमर विकासक मॉडलक मूल्यांकन कय समर्थन कयलक। जँ एहि विकास मॉडलकेँ एक शब्दमे परिभाषित करबाक अछि तँ ई अछि – ‘राष्ट्र प्रथम’।
प्रधानमंत्री कहलनि जे हुनकर सरकारक प्राथमिकता राष्ट्रीय हित रहल अछि, जखन कि विपक्षक राजनीति सत्ता प्राप्त करब आ तुष्टिकरण धरि सीमित रहल अछि। कांग्रेस आ विपक्षी दल पर निशाना साधैत ओ कहलनि जे हुनका लेल भाई-भतीजावाद, जातिवाद, आ भ्रष्टाचार प्राथमिकता रहल अछि, जखन कि हमर सरकार बिना भेदभावक ‘सबका साथ, सबका विकास’क नीति पर काज कऽ रहल अछि।
मोदी कहला जे हमर सरकार जनताकेँ आश्वासन देलक अछि जे विकासक लाभ समाजक हर वर्ग तक पहुंचत।
