जेलमे बंद आईएएस अधिकारी संजीव हंस पर टेंडर घोटालाक राशि ठेकेदारक माध्यमसँ पहुँचाबयक आरोप लागल अछि। कांग्रेस ठेकेदार रिशु श्री’क कॉल डिटेल्स सार्वजनिक करबाक मांग सेहो कयलक अछि।
जेलमे बंद हंसक काला कारनामा सभक कच्चा चिट्ठा सामने आबि रहल अछि। स्पेशल विजिलेंस यूनिट ईडी’क जांच रिपोर्टक आधार पर पैघ खुलासा कएलक अछि। कांग्रेस ठेकेदार रिशुश्री पर सेहो सवाल उठेने अछि। प्रवक्ता राजेश राठौड़ रविकेँ आरोप लगेलनि की रिशु श्री संजीव हंस केर विभागक टेंडर मैनेज करैत छलाह। ओ छापेमारीमे भेटल तथ्यक माध्यमसँ करोड़ों केर टेंडर घोटाला होएबाक संभावना जतेलनि।
कांग्रेस प्रवक्ता पूछलनि जे कियाक रिशु श्री केवल आईएएस संजीव हंस लेल मध्यस्थता करैत छलथि वा अन्य विभाग सभक टेंडर मैनेजमे सेहो भूमिका रहैत छल। ओ भ्रष्टाचारक जाँच न्यायाधीशक निगरानीमे सीबीआईसँ करयबाक मांग कएलनि। राजेश राठौड़ मांग कएलनि कि भ्रष्टाचारमे शामिल अन्य अधिकारीकेँ सेहो संजीव हंसक जेकाँ जेल पहुँचायल जाए। हुनका जनबाक इच्छा रहनि जे ठेकेदार रिशु श्री भवन निर्माण विभाग, नगर विकास विभाग, बिजली विभाग आ जल संसाधन विभागक लेल काज करैत छथि वा अन्य अधिकारीक लेल सेहो मध्यस्थता करैत छथि ?
ओ कहला कि घोटाला केर जांच सीबीआईसँ करा लेलासँ क्लियर होएत जे अन्य अधिकारीक सेहो मिलीभगत अछि। कांग्रेस नेता केर अनुसार रिशु श्री अन्य विभाग सभमे ठेकाक प्रबंध करयमे करोड़ों रुपैया केर कारी कमाई कयलक। टेंडर घोटाला केर राशि अन्य अधिकारी धरि पहुँचल। राजेश राठौड़ जानय चाहैत छथि कि रिशु श्रीक संजीव हंसक अलावा आओर कोन-कोन अधिकारीसँ बातचीत होइत छल। ओ सुझाव देलनि कि सरकार रिशु श्री’क फोन कॉल केर डिटेल सार्वजनिक करय ताकि दूधक दूध आ पानिक पानि होए।
मुख्यमंत्री नीतीश कुमार पर निशाना साधैत राजेश राठौड़ फरवरी टेंडर घोटालाक जांच करबाक मांग कएलनि। रिशु श्री पर सरकारी विभागसभमे ठेका दिएबाक आरोप अछि। कहल जा रहल अछि जे ओ कम समयमे पैघ पहुंच बना लेलक। एहेनमे ठेकेदार रिशु श्री द्वारा आईएएस संजीव हंसके टेंडर घोटालाक राशि देबाक मामिला आओर गंभीर होयबाक संभावना अछि।
