कांग्रेसक राष्ट्रीय अध्यक्ष मल्लिकार्जुन खड़गे सोमदिन केंद्र सरकार पर जोरदार प्रहार कयलनि। ओ 2014 केर चुनावी वादाकेँ याद दियाबैत सरकार पर तंज कसलथि। संगहि कांग्रेस अध्यक्ष खड़गे 7 बिंदु गिनबैत बतौलनि जे मोदी सरकारक 11 वर्षक कार्यकाल केहन रहल।
कांग्रेस अध्यक्ष खड़गे कहलनि, 11 वर्षमे मोदी सरकार देशक एहेन दुर्दशा कय देलक अछि जे ‘अच्छे दिन’ केर बात ‘डरावना सपना’ साबित भेल अछि। हर वर्गक 140 करोड़ जनता परेशान अछि। ओ अपन सोशल मीडिया पोस्टमे युवा, किसान, महिला, अर्थव्यवस्था आ विदेशी नीतिक सेहो जिकर करैत केंद्रकेँ निशाना पर लेलनि।
मल्लिकार्जुन खड़गे अर्थव्यवस्थाक बारेमे चर्चा करैत कहलनि कि महंगाई केर चरम सीमा, बेरोजगारीक बाढ़ि, खपत ठप्प, ‘मेक इन इंडिया’ फ्लॉप रहल आ असमानता सर्वोच्च पर अछि। विदेश नीति पर प्रश्न उठाबैत कांग्रेस अध्यक्ष लिखलनि, ”वादा छल ‘विश्वगुरु’ बनबाक, प्रत्येक देशसँ संबंध बिगाड़ि देलनि। लोकतंत्रक सभ स्तंभ पर आरएसएसक हमला, ईडी/सीबीआई केर दुरुपयोग, संस्थानक स्वायत्तताकेँ नष्ट कय देल गेल। 140 करोड़ जनताक सभ तबका परेशान, 11 सालमे एहेन रहल कमलक निशान।”
