कांग्रेस नेता राहुल गांधी पर देल गेल बयानक लेल पप्पू यादव गिरिराज सिंह पर जोरदार हमला कयलन्हि अछि। ओ एतय धरि कहि देलनि जे ‘गिरिराज सिंह भारतमे जिन्नाक मानसिक संतान छथि।’
लोकसभामे विपक्षक नेता आ कांग्रेस नेता राहुल गांधी निरंतर ऑपरेशन सिंदूरकेँ लऽ कऽ प्रश्न पूछि रहल छथि। हुनकर एहेन प्रश्न सभक बाद गिरिराज सिंह राहुल पर जोरदार हमला कयलनि।
केंद्रीय मंत्री गिरिराज सिंह राहुल गांधीकेँ जवाब दैत हुनका चीनमे बनल पाकिस्तानी मिसाइल बतौलनि। गिरिराजकेँ एहि बयानक लेल आब महागठबंधनक नेता हिनका पर हमला कय रहल छथि।
कांग्रेस नेता राहुल गांधी पर देल बयानक लेल पप्पू यादव गिरिराजकेँ पोस्ट कय जोरदार हमला कय रहल छथि। ओ कहलनि, “गिरिराज सिंह भारतमे छूटल जिन्नाक मानसिक संतान छथि, जिन्ना हिन्दू-मुसलमान करैत-करैत पाकिस्तानमे एड़ीं रगड़लक, भारतमे ओकर विरासत गिरिराज जेहेन जिन्नावादी भाजपाई सँभारने अछि। ई भारतक खाय छथि आ पूरा दिन पाकिस्तानक गाबय छथि! भारतक हिंदू मुसलमानकेँ लड़ाबैत छथि!”
