दिनांक ०८-०२-२०२५ शनिकेँ मैथिली साहित्यिक एवं सांस्कृतिक समिति, मधुबनी’क तत्वावधानमे १७ म स्थापना दिवस समारोह संस्कृत उच्च विद्यालय , जलधारी चौक, मधुबनीक प्रांगणमे आयोजित कएल गेल। समारोह समितिक अध्यक्ष प्रोफेसर प्रीतम कुमार निषादक अध्यक्षतामे भेल।
कार्यक्रमक संचालन दिलीप कुमार झा आ धन्यवाद ज्ञापित कयलनि रेवती रमण झा। मनोज कुमार झाक संयोजकत्वमे सांस्कृतिक कार्यक्रमक संपादन कएल गेल।
मुख्य अतिथि छलथि -: साहित्य अकादेमी पुरस्कारसॅं सम्मानित डॉ नारायणजी। कार्यक्रमक शुभारंभ दीप प्रज्ज्वलित क’ कएल गेल। विद्यापतिक भगवती गीत ‘जय जय भैरवी असुर भयाओनि ‘ ‘कान्हर कपिल देव विद्या मंदिर कैटोला’क छात्रा श्रेया आ चॉदनी ‘क मधुर स्वरमे गाओल गेल। आमंत्रित विद्वत जन’क स्वागत पाग दोपटासॅं कएल गेल। सांस्कृतिक कार्यक्रम लेल उपस्थित मनोज कुमार झा’क संयोजकत्वमे स्वागत गान ‘ ‘अतिथिगण नमन करू स्वीकार’
छात्रा श्रेया आ चॉदनीक द्वारा गाओल गेल। ‘मिथिला वर्णन’ आ ‘मिथिलाक सिया-धिया’ मधुर स्वरमे श्रेया द्वारा गाओल गेल।
आमंत्रित अतिथिगणमे डॉ नारायणजी, सदरे आलम गौहर, शुभेष चंद्र झा, प्रीतम कुमार निषाद आ सखी बहिनपाक संयोजिका छाया मिश्रा छलीह।
स्वागत भाषण सुमन कुमार द्वारा कएल गेल।
उपस्थित सदस्यगणमे ज्योतिरमण झा बाबा, शुभेष चंद्र झा, डॉ नारायण कुमार झा, छाया मिश्रा, सदरे आलम गौहर, दिलीप कुमार झा, श्रेया कुमारी, अंजलि कुमारी, नेहा कुमारी, पवन कुमार झा, विनय विश्व बंधु, वेदानंद सिंह, अनिल कुमार झा, सतीश चन्द्र मिश्र सुमन जी, श्रीनारायण मिश्रा, दिनेश चन्द्र झा, चण्डेश्वर खॉ, आद्यानाथ झा, मायानन्द मिश्र, गणेश मंडल, झौली पासवान, शुभ कुमार वर्णवाल, रामबाबू झा, डॉ रवीन्द्र झा, प्रभास कुमार दमन, सुमन कुमार मिश्रा, रेवती रमण झा, मनोज कुमार महतो, प्रमोद कुमार, रतन कुमार गुप्ता, राकेश कुमार, पुष्पा झा, मालती मिश्रा, सविता कुमारी, सुप्रिया रानी, सिद्धिदात्री,जुली कुमारी, कुमकुम मिश्र ठाकुर, प्रजापति ठाकुर, सोनू कुमार आ ऋषिदेव सिंह, आशीष कुमार मिश्र आ कन्हैया झा आदि छलाह।
मिथिलाक मिठगर लोकगीतसॅं परिसर गुंजायमान छल। मैथिली साहित्यिक एवं सांस्कृतिक समिति, मधुबनीक सतरहम स्थापना दिवस समारोह अत्यंत उत्साह पूर्वक मनाओल गेल। सभ सदस्य उत्साहसॅं भरल छलाह। कार्यक्रम सफलतापूर्वक सम्पन्न भेल।
