घटना पूर्व डीजीपीक घर लग दिनदहाड़े गोलीबारी, दोकानदारकेँ मारबाक प्रयास December 22, 2024 Maithil Punarjagran Prakash पटना समदिया * बिहारक पूर्व डीजीपी आलोक राजक निवाससँ किछु दूर अपराधी सभ गोलीबारी कयलक। शनिदिन भोरे, अपराधी कंकरबाग थाना क्षेत्रमे चन्दन ऑटो मोबाइलक पाछाँ चाहक दोकानदार राजेन्द्र राय पर गोली चला देलक। एहि घटनामे गोपाल बाल-बाल बचि गेलाह। ओ भागि कs लगक अमूल आइसक्रीम पार्लरमे घुसि गेलाह। अपराधीक गोलीसँ दोकानके सेहो नुकसान भेल अछि। घटनाक बाद क्षेत्रमे हड़कंप मचि गेल। चारूकात लोकक भीड़ लागी गेल। जहिना सूचना भेटल, पुलिस घटनास्थल पर पहुँचि जाँच शुरू कऽ देलक। घटनाक सूचना भेटैत कंकड़बाग थाना आ सदर एएसपी घटनास्थल पर पहुँचि मामिलाक जाँच शुरू कऽ देलनि। पुलिस घटनास्थल पर लागल सीसीटीवी कैमराक जाँच कऽ रहल अछि। पुलिस अपराधीसभकेँ गिरफ्तार करबाक लेल छापा मारबाक अभियान शुरू कयलक। एम्हर पुलिस घटनाकेँ अंजाम देबाक आरोपमे अमन कुमारकेँ हिरासतमे लेलक अछि। पुलिस ओकरा चांदमारी रोडसँ गिरफ्तार कयलक। लोकक कहब छनि जे एहि घटनाक बाद क्षेत्रमे दहशतक माहौल बनि गेल अछि। पुलिसकेँ एहि मामलाकेँ गम्भीरतासँ लेबाक चाही आ एहि मामलामे सम्मिलित सभ अभियुक्तक विरुद्ध कठोर कार्रवाई करबाक चाही। मामिलाक जानकारी दैत सदर एएसपी अभिनव कहलनि जे अपराधी सभ पैदल आबि लगभग चारिसँ पाँच राउंड गोली चलओने छल। घटनास्थलसँ पुलिस चारिटा खोखा बरामद कयलक अछि। कंकरबाग थाना क्षेत्रमे चन्दन ऑटो मोबाइलक ठीक सोझाँ रामप्यारी चाहक दोकान अछि। ओकर दोकानदार पर गोली चलेलक । घटनाक कारण एखन धरि पता नहि चलल अछि। Spread the love
