लोकसभा चुनावमे आब पटनाक सड़क पर राजनीतिक महबूबाक गूंज सुनल जा रहल अछि। राष्ट्रीय जनता दलक प्रमुख आ बिहारक पूर्व उपमुख्यमंत्री तेजस्वी यादव प्रधानमंत्री नरेन्द्र मोदी आ चुनाव आयोग पर हमला कयलनि अछि। ओ कहलनि “प्रधानमंत्री नरेन्द्र मोदीक तीनटा महबूबा छथि – महंगाई, गरीबी आ बेरोजगारी, जकरा ओ खुब प्रेम करैत छथि आ एही लेल ओ चुनावो हारताह । भाजपा जवाबी कार्रवाई करैत तेजस्वीक तीन महबूबा – अपराध, भ्रष्टाचार आ वंशवाद केर सामने रखलक आ कहलक तीनू महबूबा तेजस्वीकेँ भेजत जेल।
बिहारक पूर्व उपमुख्यमंत्री तेजस्वी यादव प्रधानमंत्री नरेन्द्र मोदी आ चुनाव आयोग पर हमला कयलनि अछि। तेजस्वी कहलनि “मोदी कन्याकुमारी ध्यान लेल नहिं बल्कि मार्केटिंग लेल जा रहल छथि। जँ ओ ध्यान करय जा रहल छथि तऽ मीडिया आ कैमरापर प्रतिबन्ध लगा देल जेबाक चाही। ध्यानक दौरान मीडियाक की काज अछि ?
एतबे नहि, तेजस्वी यादव चुनाव आयोग पर सेहो हमला कयलथि। ओ कहलखिन जे चुनाव आयोग पर हुनकर विश्वास टूटि गेल अछि। सब कियो आयोग पर आशा छोड़ि देलक अछि। चुनाव आयोगसँ बात करबाक कोनो मतलब नहि अछि। ओ सभ चुनाव आयोगसँ गप्प करैत थाकि गेल छथि। केओ नहि सुनैत अछि। जनता सब एहि स्टंटकेँ देखि रहल अछि। ४ जूनकेँ जनता सरकारकेँ अलविदा कहत।
भाजपा तेजस्वीक एहि बयान पर पलटवार कयलक अछि। भाजपा प्रवक्ता नीरज कुमार कहलनि जे तेजस्वी लग तीनटा महबूबा अछि – अपराध, भ्रष्टाचार आ वंशवाद। तीनू हुनक पिता लालू प्रसाद यादवक सेहो मेहबूबा रहल अछि। तेजस्वी सेहो एहि तीनू महबूबाक कारण जेल जायवाला छथि।
