पाकिस्तानक सिंध प्रांतक जैकबबाद लग बुधदिन जाफर एक्सप्रेस ट्रेन पटरीसँ विस्फोटक बाद उतरि गेल। पाकिस्तानी मीडियाक अनुसार रेल पटरी पर विस्फोटक बाद ट्रेनक कमसँ कम छह कोच पटरीसँ उतरि गेल। रिपोर्टक अनुसार ट्रेन क्वेटासँ पेशावर जा रहल छल, तखनि विस्फोट भेल। पुलिस अधिकारीक अनुसार विस्फोटसँ करीब छह फीट रेल पटरी क्षतिग्रस्त भऽ गेल अछि। अधिकारी सभकेँ आशंका अछि जे ई विस्फोट रेल लाइनक कात लगाओल गेल तात्कालिक विस्फोटक उपकरण (आईईडी) बमक कारण भेल अछि।
अधिकारीक कहब अछि जे कोनो तरहक जानमालक नुकसानक खबरि नहिं अछि आओर इलाकाकेँ सुरक्षित कय देल गेल अछि। रेलवेक अधिकारीक कहनाय अछि जे फिलहाल एकर औपचारिक जांच चलि रहल अछि।
बलूचिस्तान मीडिया केर रिपोर्टक अनुसार सशस्त्र बलूच अलगाववादी संगठन बलूच रिपब्लिकन गार्ड जाफर एक्सप्रेस पर हमलाक संग-संग बलूचिस्तान केर चागाईमे रेको डिक परियोजनासँ जुड़ल कंटेनरकेँ निशाना बनाबय केर जिम्मेदारी लेने अछि।
समूह केर प्रवक्ता एकटा बयान जारी कय दावा कयलक कि ई विस्फोट ओकर कार्यकर्ता जेकोबाबाद केर मवेशी बाजारक पास रिमोट कंट्रोल वाला उपकरणक इस्तेमाल कय कयलक। प्रवक्ता कहलक जे, आजुक हमलामे ट्रेनक छह कोच पटरीसँ उतरि गेल, जाफर एक्सप्रेसक उपयोग कब्जा करय वाला पाकिस्तानी सेना अपन जवानक आवाजाहीक लेल करैत अछि आ भविष्यमे हमर हमला आओर भयंकर होयत।
बयानमे कहल गेल अछि कि हमर संगठन एहि हमलाक जिम्मेदारी लैत अछि। बलूचिस्तानक आजादी धरि हमर हमला जारी रहत।
