नारायणपुरमे सुरक्षा बलक संग मुठभेड़मे आठ नक्सली ढ़ेर, एकटा जवानक वीरगति आ दू घायल
नारायणपुर
*
छत्तीसगढ़क नारायणपुर जिलामे पुलिस आ नक्सलीक बीच मुठभेड़ भेल। जानकारीक अनुसार एतय अबूझमाड़क जंगलमे भेल मुठभेड़मे आठ नक्सली मारल गेल अछि। मुठभेड़मे एकटा सैनिकक वीरगति भेल आ दूटा अन्य घायल भऽ गेल। मुठभेड़ जारी छल।
सुरक्षा बल अबूझमाड़क जंगलमे नक्सलवादीक खिलाफ अपन अभियान जारी राखि रहल अछि। नक्सलवादीक उपस्थितिक सूचना पर सुरक्षा बल सीमावर्ती जिलाक संग संयुक्त अभियान शुरू कयलक अछि। अबूझमाड़क कुतुल फरासबेड़ा कोड़तामेटा क्षेत्रमे संयुक्त अभियान चलि रहल अछि।
जानकारीक अनुसार नारायणपुर जिलाक माड़मे पछिला दू दिनसँ सुरक्षा बल आ माओवादीक बीच मुठभेड़ चलि रहल अछि। संयुक्त अभियानमे नारायणपुर-कोंडागाँव-कांकेर-दंतेवाड़ा डीआरजी, एसटीएफ आ आईटीबीपी ५३म बटालियन फोर्स सम्मिलित अछि।
नक्सलवादीक सङ्ग भेल मुठभेड़मे एकटा जवान वीरगति प्राप्त कयलनि आ दूटा घायल भेल। बस्तर संभागक जगदलपुर, कांकेर, दंतेवाड़ा, कोंडागाँवसँ डीआरजी आ एसटीएफक १४०० जवान तलाशी लेल गेल अछि।
बतबैत चली जे १६१ दिनक भीतर १४१ नक्सली मारल गेल अछि। मारल गेल नक्सलीक संख्या सेहो बढ़ि सकैत अछि। नक्सलवादीक खिलाफ पिछला तीन दिनसँ लगातार अभियान चलि रहल अछि।
नक्सली एनकाउंटर पर सीएम विष्णु देव एक्स पर लिखलनि,
“नारायणपुर जिलाक ओरछा थाना क्षेत्रक अन्तर्गत फरसबेड़ा-धुरबेड़ाक बीच सुरक्षाबलक नक्सलीसँ भेल मुठभेड़मे आठ नक्सली मारल गेल। मुठभेड़मे एसटीएफक एकटा जवानक शहादत आ दूटा सैनिकक चोटक दुखद समाचार सेहो अछि। घायल जवानसभकेँ तुरन्त हेलीकॉप्टरसँ लऽ कऽ इलाजक लेल राजधानी रायपुर आनल जा रहल अछि। हम ईश्वरसँ शहीद सैनिकक आत्माक शान्ति आ घायल जवानक शीघ्र स्वस्थ होयबाक प्रार्थना करैत छी। नक्सलवादीक खिलाफ कयल जा रहल कठोर कारवाईसँ नक्सलवादी परेशान अछि। हमर सरकार हुनका सभकेँ खतम करबाक लेल पूर्ण रूपसँ तैयार अछि आ जाबत धरि लक्ष्य प्राप्त नहिं भऽ जायत ताबत धरि हम चुप नहिं रहब।”
