जिलाधिकारी, अरविन्द कुमार वर्मा आ पुलिस अधीक्षक द्वारा केक काटि आ गुब्बारा गुच्छा हवामे उड़ा कय काल्हि वाट्सन +2 स्कूलमे दु दिवसीय मिथिला महोत्सव केर औपचारिक शुभारंभ कएल गेल। एकर बाद जिलाधिकारी आ पुलिस अधीक्षक मिथिला केर संस्कृति आ धरोहर सभकेँ प्रदर्शित करैत स्टॉलक निरीक्षण कयलनि। मखान आ मखानसँ संबंधित उत्पाद, खादी आ खादीसँ संबंधित उत्पाद, हाथकरघा / हस्तशिल्प, सिक्की आर्ट आ सिक्कीसँ संबंधित उत्पाद, मिथिला पेंटिंग आ चित्रकला संस्थान, टेराकोटा, स्थानीय बाद्य यंत्र, लिट्टी चोखा, भंसा घर, स्थानीय खान-पान आ मिठाई, पंजीकार, गुरुकुल, राम सीता प्रथम मिलन स्थल, फुलहर संग-संग विकसित बिहारकेँ प्रदर्शित करैत सैंड आर्ट, फन जोन आ अन्य स्टॉल लोकक आकर्षण केर केंद्र रहल।
दिनक सांस्कृतिक कार्यक्रममे स्कूली बच्चा आ स्थानीय कलाकार सभ अपन गीत-संगीत, नृत्य, नाटकक माध्यमसँ सभक मन मोहि लेलनि।
