डॉ. आलोक रंजन विधायक कोषसँ नाली आ सड़क निर्माण कार्यक उद्घाटन

सहरसा समदिया

*

विधानसभा क्षेत्र अन्तर्गत नगर निगम वार्ड नम्बर ३२ मे विधायक योजना मद केर तहत बुडको नालासँ शंभू घोष केर घर होइत प्रो दिलीप मिश्रक घर तक नाला आर सड़क निर्माण काजक बिहार सरकारक पूर्व मंत्री डॉ. आलोक रंजन उद्घाटन कयलनि। मौका पर ओ कहला जे एहि स्थानीयतामे नाली आ सड़कक निर्माणसँ लोक कए जल भराईसँ राहत भेटत। स्थानीय लोक विधायक केर पाग चादर दय सम्मानित कयलनि। प्रो राजेन्द्र नारायण झा कहलनि जे, स्थानीयतामे जल भराईक कारण स्थिति नारकीय बनल अछि। जल भराईक कारण मच्छरक प्रकोप आ बहुत रास गंभीर संक्रामक बीमारीक प्रकोपक संभावना छल आब नाली आ सड़क निर्माण विधायक द्वारा कयल गेल अछि। एहि काजसँ एकटा पैघ समस्याक समाधान होएत। लोक कए ओही पुरान समस्यासँ राहत भेटत। हम सब आलोक रंजनक प्रति आभार व्यक्त करैत छी। जे अपन विधायक कोषसँ एहि महत्वपूर्ण काज केर पूरा कय समस्यासँ मुक्ति देलनि। एहि अवसर पर भाजपा नगर अध्यक्ष भैरव झा, प्रो राजेन्द्र नारायण झा, वरुण सिंह, शंभू घोष, नारायण सिंह, सुरेश झा, बेचन झा, शैलेन्द्र महतो, अनिल सिंह, विवेक झा, पुनीत आनंद, सुमन कुमार, रोहित झा, रतन, कैलाश सहित अनेकानेक लोक उपस्थित छलाह।