अपराध दिल्ली पुलिस २,००० करोड़ मूल्यक ५०० किलो ड्रग्स पकड़लक, चारि गिरफ्तार October 3, 2024 Maithil Punarjagran Prakash नई दिल्ली * दिल्ली पुलिसकेँ बहुत बड़का सफलता भेटल अछि। पुलिस एकटा अन्तर्राष्ट्रीय मादक पदार्थक तस्करी गिरोहक पर्दाफाश कयलक अछि। पुलिस ५०० किलोसँ बेसी कोकीन बरामद कयलक, जकर मूल्य दू हजार करोड़सँ बेसी कहल जा रहल अछि। दिल्ली पुलिसक विशेष प्रकोष्ठ एहि मामलामे चारिटा आरोपीकेँ गिरफ्तार कयलक अछि। दिल्ली पुलिसक अनुसार, ५६० किलोसँ बेसी कोकीन जब्त कयल गेल अछि। एकर मूल्य २ हजार करोड़ होयबाक अनुमान अछि। पुलिस चारि आरोपीकेँ गिरफ्तार कएलक अछि। दिल्ली पुलिसक विशेष प्रकोष्ठ एखन मादक पदार्थ-आतंकक कोणक जाँच कऽ रहल अछि। एतेक मात्रामे कोकीन राजधानीमे कोना आयल। एहि गिरोहक संबंध ककरा-ककरासँ अछि, एहि गिरोहक नेता के अछि, दिल्ली पुलिस एहेन कतेको प्रश्नक उत्तर देबाक लेल गिरफ्तार आरोपीसँ सख्तीसँ पूछताछ कऽ रहल अछि। Spread the love
