अतिरिक्त मुख्य मेट्रोपोलिटन मजिस्ट्रेट दिव्या मल्होत्रा केजरीवालकेँ १६ मार्चकेँ अदालतमे उपस्थित होयबाक निर्देश देलनि। प्रवर्तन निदेशालय (ईडी) बुधदिन अदालतमे शिकायत दायर कयलक, जाहिमे केजरीवालपर एहि मामिलामे जारी कयल गेल कतेको सम्मनक अनदेखी करबाक लेल केजरीवाल पर मोकदमा चलयबाक माँग कयल गेल।
ईडी कहलक जे ताजा शिकायत आम आदमी पार्टीक राष्ट्रीय संयोजक द्वारा मनी लॉन्ड्रिंग रोकथाम अधिनियम (पीएमएलए) केर धारा ५० के तहत संघीय जांच एजेंसी द्वारा जारी सम्मन संख्या ४ सँ ८ केर अनुपालन नहिं करयसँ संबंधित अछि।
प्रवर्तन निदेशालय पहिने एकटा स्थानीय अदालतमे याचिका दायर कयने छल, जाहिमे आब समाप्त भऽ चुकल दिल्ली आबकारी नीतिसँ सम्बन्धित धनशोधनक मामिलामे केजरीवालकेँ जारी कयल गेल पहिल तीन सम्मनमे शामिल नहिं होयबाक लेल मोकदमा चलयबाक मांग कयल गेल छल।
