अंजुम आरा कहलनि जे जँ केकरो तकलीफ भेल अछि तँ हम खेद व्यक्त करैत छथि। ओ कहलनि एहिसँ आगू आब किछु नहि बाजब, चाहैत छलौं शान्तिपूर्ण ढ़ंगसँ सभकिछु होय।
मंगलकेँ (११ मार्च, २०२५) दरभंगाक मेयर अंजुम आरा एकटा बयान देलनि जाहिमे जुम्माक कारणेँ होलीक दिन १२:३० बजेसँ २ बजे धरि होली खेलबा पर प्रतिबन्धक सुझाव देल गेल छल। जाहि पर खुब बयानबाजी भेल आ मिडियामे खुब चर्चा भेल। मुदा आब ओ माफी मांगि लेने छथि। बुधदिन (१२ मार्च, २०२५) एकटा साक्षात्कारमे ओ अपन खेद व्यक्त कयलनि। अंजुम आरा कहलनि, “जँ हुनक बातसँ कियो आहत भेल तँ हम खेद व्यक्त करैत छी। प्रतिबंध लगाबए केर हुनकर इरादा नहि छल। ओ मात्र ई सुनिश्चित करय चाहैत छलीह जे दरभंगामे उत्सव आन पाबनि जकाँ शान्तिपूर्वक सम्पन्न होय।”
पहिने, रामनवमी आ मुहर्रम एक संग भेल अछि आ मुहर्रमक अवधिमे जुलूसक समय बदलल गेल छल। हिन्दू लोकनि सेहो अपन जुलूसक समय समायोजित कयलनि। हुनक बयानक पाछाँ ई विचार छल।
अंजुम आरा कहलनि जे हमरा पता नहि छल जे हमर बयानसँ राजनीति होयत। मामिला बढ़ि जाएत। एहेन नहि अछि जे हम शहरमे अशांति पसारय चाहैत छी। ओ कहलनि, “हमर इरादा बहुत स्पष्ट अछि जे होली आ रमजान शान्तिपूर्वक होयबाक चाही। हम एहिसँ बेसी किछु नहि कहि सकैत छी।
