प्रधानमंत्री नरेंद्र मोदी एक बेर फेर वैश्विक पटल पर अपन लोकप्रियताक झंडा फहरा देलनि। बिजनेस इंटेलिजेंस आ डाटा एनालिटिक्स कंपनी मॉर्निंग कंसल्ट केर जुलाईमे जारी सर्वेक्षण रिपोर्टक अनुसार पीएम मोदीकें ७५ प्रतिशत लोकक ‘अनुमोदन रेटिंग’ भेटल अछि, जाहिसॅं दुनिया केर बाकी सब नेतासॅं ओ आगू छथि।
ई सर्वेक्षण दुनिया केर २० शीर्ष नेताक लोकप्रियता पर आधारित अछि जाहिमे भारत केर प्रधानमंत्री अमेरिका, जर्मनी, इटली, ब्राजील आ नीदरलैंड जकाॅं देश केर नेताकें सेहो पाछू छोड़ी देलनि।
रिपोर्टक अनुसार पीएम मोदीकें 75 प्रतिशत लोकक समर्थन भेटल, जखनिकि हुनकर काजसॅं मात्र 18 प्रतिशत लोक असहमत छलाह आ 7 प्रतिशत जनता कोनो राय नहि देलनि। एहि आंकड़ासॅं पीएम मोदी अपन समकक्षमे सबस ऊपर छथि।
पीएम मोदीक बाद दक्षिण कोरियाक राष्ट्रपति ली जे-म्योंग (59 प्रतिशत) दोसर स्थान पर आओर अर्जेंटीनाक राष्ट्रपति जेवियर मिला (57 प्रतिशत) तेसर स्थान पर छथि। कनाडा केर प्रधानमंत्री मार्क कार्नी (56 प्रतिशत) आओर ऑस्ट्रेलियाक पीएम एंथोनी अल्बानीज (54 प्रतिशत) सेहो शीर्ष पांचमे शामिल छथि।
एकर संग अमेरिकी राष्ट्रपति डोनाल्ड ट्रंपकें महज ४४ प्रतिशत रेटिंग भेटल आ ५० प्रतिशत लोक हुनक बातसॅं असहमत छल।
विशेषज्ञक मानब अछि कि पीएम मोदी केर अंतरराष्ट्रीय छवि, मजबूत नेतृत्व आ घरेलू नीतिमे निर्णायक फैसला हुनका विश्व केर नेताकें बीच एकटा अलग पहिचान दैत अछि। ई आंकड़ा वैश्विक राजनीतिमे भारत केर बढ़ैत विश्वसनीयता आ पीएम मोदीक नेतृत्वक प्रभावशीलताकें दर्शाबैत अछि।
