लोकसभा चुनाव २०२४ केर आचार संहिता लागू भेलाक बाद ई दोसर बेर अछि जखन प्रधानमंत्री मोदी उत्तराखण्ड पहुँचल छथि। ओ ऋषिकेशक आईडीपीएल खेल मैदानमे डमरू बजा कऽ अपन चुनावी रैलीकेँ सम्बोधित कयलनि।
प्रधानमंत्री मोदी कहलनि जे जखन-जखन हम उत्तराखण्ड अबैत छी तखन पुरान स्मृतिकेँ ताजा करैत छी। जहिना प्रधानमंत्री अपन संबोधन शुरू कयलनि, मोदी-मोदीक नारा गूंजि उठल। जाहि पर पीएम मोदी मुस्कुराइत कहलखिन जे तमिलनाडुमे सेहो लोक कहि रहल एक बेर फेर मोदी सरकार।
प्रधानमंत्री कहलनि कि देशमे एकटा एहन सरकार अछि जे १० सालसँ बहुत रास काज कयलक अछि। घरमे घुसि कए आतंकवादी मारल जाइत अछि। ई मोदीक मजबूत सरकार अछि। महिला सभकेँ लोकसभा आ विधानसभामे आरक्षण देल गेल। वन रैंक वन पेंशनक लाभ देलक। उत्तराखण्डमे सेहो साढ़े तीन करोड़सँ बेसी भूतपूर्व सैनिकसभकेँ लाभ देल गेल अछि।
संबोधनक दौरान मोदी-मोदी केर नारा पर प्रधानमंत्री कहलनि कि ई उत्साह १९ अप्रैल धरि राखय केर जरूरत अछि। पीएम मोदी कहलनि जे जँ मोदी सरकार नहिं होइत तऽ वन रैंक वन पेंशन कहियो लागू नहिं होइत। कमजोर कांग्रेस सरकार सीमा पर आधुनिक बुनियादी ढाँचा नहिं बना सकल। आइ सीमा पर सड़कसभ चकाचौंध कऽ रहल अछि।
प्रधानमंत्री कहलनि जे उत्तराखण्डक विकासमे पर्यटन आ चारधाम यात्राक पैघ योगदान अछि। ओ कहलनि जे पर्यटकक लेल उत्तराखण्ड पहुँचब आसान होयबाक चाही। एकरा लेल सड़क संपर्क बढ़ायल जा रहल अछि।
पीएम मोदी कहलनि जे एतय ऋषिकेश-कर्णप्रयाग रेल लाइन पर तेजीसँ काज चलि रहल अछि। दिल्लीसँ देहरादूनक दूरी सिकुड़ि रहल अछि। कांग्रेस उत्तराखंडक सीमावर्ती गामकेँ अन्तिम गाम कहैत छल, हम एकरा पहिल गाम बना कऽ विकसित कयने छी।
आदि कैलाश लेल हेलीकॉप्टर सेवा शुरू भऽ गेल अछि। सरकार चारधाम यात्राकेँ आसान बनेबाक दिशामे सेहो काज कऽ रहल अछि। ई सब एहि लेल भऽ रहल अछि किएक तँ भाजपाक मंशा सही अछि। जखन इरादा सही होइत अछि तखन परिणाम सेहो सही होइत अछि। केदारनाथमे भक्तक संख्या बढ़ि रहल अछि।
पछिला साल ५५ लाख तीर्थयात्री एहि तीर्थस्थलक दर्शन कयलनि। मानसखण्डमे आदि कैलाश आ ओम पर्वतक यात्रामे तीर्थयात्रीसभक संख्या सेहो बढ़ि रहल अछि। पर्यटन बढ़यबाक अर्थ अछि रोजगार बढ़नाइ।
प्रधानमंत्री मोदी कहलनि जे उत्तराखण्डमे भऽ रहल विकास आब पलायनक जड़ि केर बीतल दिनक बात कहल जा रहल अछि। उत्तराखंडक युवा स्टार्टअप शुरू कयलनि। एतय बेटी आगू बढ़ि रहल अछि।
