ब्रुनेई आ सिंगापुर रवाना होयबासँ पहिने प्रधानमंत्री मोदी भारतक ‘एक्ट ईस्ट’ नीति आ हिन्द-प्रशांतक लेल अपन दृष्टिकोणमे एकटा महत्वपूर्ण भागीदारक रूपमे वर्णित कयलनि।
प्रधानमंत्री नरेन्द्र मोदी मंगलकेँ ब्रुनेई पहुँचलाह। कोनो भारतीय प्रधानमन्त्रीक ब्रुनेईक ई पहिल द्विपक्षीय यात्रा अछि। क्राउन प्रिंस अल-मुहतादी प्रधानमंत्री मोदीक गर्मजोशीसँ स्वागत कयलनि। ब्रुनेईमे प्रधानमंत्री मोदी राजधानी बन्दर सेरी बेगावानमे अपन होटल पहुँचलाह। जतय भारतीय समुदायक लोक हुनकर स्वागत कयलनि।
ब्रुनेई आ सिंगापुर रवाना होयबासँ पहिने प्रधानमंत्री मोदी भारतक एक्ट ईस्ट नीति आ हिन्द-प्रशान्तक लेल एकर दृष्टिकोणमे एकटा प्रमुख भागीदारक रूपमे वर्णित कयलनि आ कहलनि जे हुनक यात्रा दुनू देशक संग-संग वृहद आसियान क्षेत्रक सङ्ग सेहो भारतक साझेदारी आओर मजबूत करत।
मोदी कहलनि, “जेना कि हम अपन राजनयिक सम्बन्धक ४० वर्षक उत्सव मना रहल छी, हम अपन ऐतिहासिक सम्बन्धकेँ नव ऊँचाइ पर लऽ जयबाक लेल सुल्तान हाजी हसनल बोलकिया आ शाही परिवारक अन्य सदस्यसभक सङ्ग अपन बैसारक प्रतीक्षा कऽ रहल छी।”
विदेश मंत्रालयक अनुसार, ई यात्रा रक्षा सहयोग, व्यापार आ निवेश, ऊर्जा, अंतरिक्ष प्रौद्योगिकी, स्वास्थ्य सहयोग, क्षमता निर्माण, संस्कृतिक सङ्ग-सङ्ग लोकक बीच आदान-प्रदान सहित सभ वर्तमान क्षेत्रमे ब्रुनेईक सङ्ग हमर सहयोगकेँ आओर मजबूत करत, आ नव क्षेत्रमे सहयोगक अवसरक पता लगाओत।
