कांग्रेस संसदीय दलक अध्यक्ष सोनिया गांधी, कांग्रेस अध्यक्ष मल्लिकार्जुन खड़गे आ पार्टी नेता प्रियंका गांधी वाड्रा जयपुरमे पार्टीक घोषणापत्र ‘न्याय पत्र’क शुभारंभ कयलनि। एहि अवसर पर सोनिया गांधी मोदी सरकार पर हमला करैत कहलनि जे देशक लोकतंत्र खतरामे अछि जखन कि मोदी सरकार हमर संविधान बदलबाक षड्यंत्र कऽ रहल अछि।
कांग्रेस महासचिव प्रियंका गांधी वाड्रा कहलनि जे अहाँ जे वोट देबय जा रहल छी ओ देशक लोकतंत्रकेँ बचाओत। अहां जरूर सोचि रहल होइ जे हमर लोकतंत्र केना खतरामे अछि। एकर कारण ई अछि जे लोकतंत्र केर मजबूत करबाक लेल जे पैघ संस्थान बनाओल गेल अछि ओकरा कमजोर कयल जा रहल अछि, ओकर दुरुपयोग कयल जा रहल अछि, आइ स्थिति इ अछि जे लोककेँ ईवीएम पर पर्यंत भरोसा नहिं अछि।
प्रियंका कहलनि “हमरा बहुत खुशी आ गर्व अछि जे हमर माता सोनिया गांधी राज्यसभा सदस्य बनलाक बाद अहाँक राज्य (राजस्थान) आयल छथि। काल्हि हम अपन घोषणा पत्र जारी केलहुं। हम अपन घोषणा पत्र जारी कए देने छी। ई घोषणापत्र मात्र ओहि घोषणाक सूची नहिं अछि जे हम चुनावक बाद बिसरि जाएब, बल्कि ई एकटा एहन देशक आवाज अछि जे न्याय चाहैत अछि। आइ बेरोजगारी चरम पर अछि, बेरोजगारी दूर करबाक लेल सरकार की कयलक ? अग्निवीर योजना अनलनि जे लोकक आशा तोड़ि देलक। हर राज्यमे पेपर लीक भऽ रहल अछि। किसान सड़क पर विरोध प्रदर्शन कऽ रहल छथि मुदा पीएम मोदी हुनकर बात सुनबा लेल तैयार नहिं छथि।
सचिन पायलट कहलनि “ई चुनाव दू विचारधाराक बीच अछि। केंद्र सरकार नीतिक माध्यमसँ हमर संवैधानिक संस्थानकेँ कमजोर कऽ देलक अछि। छत्तीसगढ़मे मल्लिकार्जुन खड़गे आ राहुल गाँधी पहिल बेर घोषणा कयलनि जे यदि कांग्रेस आ इंडिया गठबन्धनक सरकार बनत तँ ओ किसानसभकेँ एमएसपी केर कानूनी गारंटी देत। ई चुनाव देशक लेल निर्णायक चुनाव अछि।”