पाकिस्तानमे आतंकक विरोधमे चलायल गेल ‘ऑपरेशन सिंदूर’ पर कांग्रेस द्वारा उठाओल गेल प्रश्न पर भाजपा नेता मुख्तार अब्बास नकवी पार्टीक आलोचना कयलनि। हुनकर कहब अछि जे एहेन प्रश्न कांग्रेसक आदति बनि गेल अछि। किछु लोकक देश केर जीत पर सेहो कन्फ्यूजनक स्थिति उत्पन्न करबाक साजिश सिंडिकेटक समर्थनमे अछि।
ओ कहलनि कि कांग्रेस कंट्री केर विक्ट्री पर कन्फ्यूजन केमिस्ट्री पैदा कय कोन प्रकारक राजनीतिक लाभ लेबाक प्रयास कय रहल अछि। कांग्रेसक लेल राष्ट्रिय सुरक्षासँ बेसी राजनीतिक स्वार्थ महत्वपूर्ण अछि।
भाजपा नेता मुख्तार अब्बास नकवी कांग्रेस पार्टीकेँ घेरलनि। ओ कहलनि कि 1999 केर कारगिलक युद्धमे सोनिया गाँधी सब प्रकारक प्रश्न पूछने छलीह, दुष्प्रचार शुरू कय देल गेल छल। जखनि सर्जिकल स्ट्राइक भेल तँ सेहो एहेने भेल आ आबो ओही बातकेँ दुहराओल जा रहल अछि। रंगमे बाधा डालबाक जे रिवाज आ मिजाज अछि, ओ कोनो देशवासी स्वीकार नहि करत।
ओ कहलनि जखनि-जखनि भारतीय सेना देशक दुश्मन सभकें तबाह करैत अछि, आतंकक ठिकाना सभकें ध्वस्त करैत अछि, तखनि अहाँ सेनाकेँ हौसला बढ़ेबाक बदला सवाल आ प्रमाणक जुगलबंदी शुरू कय दैत छी। आम आदमी पार्टी केर नेता आतिशी केर निंदा प्रस्ताव अनबाक बयान पर ओ कहलनि कि हमरा सभकेँ सुरक्षा बल आ सरकार पर पूरा यकीन करबाक चाही। जे एहि तरहक साजिशमे भागीदार बनल छथि, हुनका सभकेँ अस्वीकार करबाक चाही, कारण एहेन संवेदनशील मुद्दापर ‘आप’ राजनीतिक चक्र केर रचनामे लागि रहल अछि।
मध्य प्रदेशक मंत्री कर्नल सोफिया कुरैशी लेल देल गेल बयान पर मुख्तार अब्बास नकवी कहलनि एहि प्रकारक बयान निंदनीय अछि। ओ (कुरैशी) असगर नहि छथि, हुनकर पूरा परिवार देशक सुरक्षाक प्रति समर्पित अछि। ओ परिवारक आ देशक आन-बान-शानक रूपमे देखल जाइत छथि। ओ कहलनि कि मध्य प्रदेशक मंत्री एतेक नहि जनैत छथि जे आतंकवाद आ राष्ट्रवादक फर्क की होइत अछि, कोन प्रकारक भाषा बाजि रहल छथि। जोशमे होश खोयबाक जरूरत नहि अछि।
जनतब जे मध्य प्रदेशक सरकारमे मंत्री विजय शाह मानपुरमे आयोजित एकटा कार्यक्रममे कर्नल सोफिया कुरैशी’क लेल विवादित बयान देलनि। एकर कांग्रेस विरोध कयलक आ मंत्रीकेँ पदसँ हटाबए केर मांग कयलक अछि। मानपुरमे आयोजित कार्यक्रममे मंत्री शाह पहलगाम हमलाक जिक्र करैत कहलनि, आंतकी पहलगाममे लोककेँ मारलक, हुनकर कपड़ा उतरवाएल गेल, ओ आंतकी हमर बहिन’क सिन्दूर उजाड़लक। मंत्री शाह कहलनि, पीएम नरेंद्र मोदी ओकरे बहिनकेँ भेजि ऐसी तैसी करवेलनि। बयानसँ जखनि राजनीति गरम भऽ गेल तँ ओ कहलनि जे हमर बहिनक सिन्दूर उजाड़निहारकेँ हम ओकरे भाषामे उत्तर देलियै। हुनका भाषणकेँ अलग संदर्भमे नहि देखबाक चाही। ओ हमर बहिन छथि। ओ पूरा ताकतसँ सेनाक संग मिलि कय काज कयलनि।
