उत्तर प्रदेशक मुख्यमंत्री योगी आदित्यनाथ, उपमुख्यमंत्री केशव प्रसाद मौर्य आ अन्य कैबिनेट मंत्री बुधदिन प्रयागराजक महाकुम्भमे त्रिवेणी संगममे पवित्र स्नान कयलनि। सीएम योगी सोशल मीडिया प्लेटफॉर्म पर तस्वीर शेयर करैत ई जानकारी देलनि।
सोशल मीडिया प्लेटफॉर्म एक्स पर फोटो साझा करैत सीएम योगी लिखलनि, “तत्रााभिषेकं य: कुर्यात् संगमे शंसतिव्रतः। तुल्यं फलमवाप्नोति रासुयाश्वमेध्योः॥ एकता, समानता आ सौहार्दक महासमागम, भारतीयता आ मानवताक महोत्सव, महाकुंभ-२०२५, प्रयागराजमे आइ हमरा अपन मंत्रिमण्डलक सदस्यक संग पवित्र त्रिवेणी संगममे पवित्र स्नान करबाक सौभाग्य भेटल। माँ गंगा, माँ यमुना आ माँ सरस्वती सबकेँ कल्याण करथि।”
उत्तर प्रदेशक मुख्यमंत्री योगी आदित्यनाथ अपन कैबिनेट मंत्रीक सङ्ग प्रयागराजमे प्रवासी चिड़ैकेँ भोजन सेहो खुआओलनि। ई सभ त्रिवेणी संगममे पवित्र स्नान करबाक लेल एकटा विशेष नावमे सवार भेलाह।
एहिसँ पहिने मंत्रिमंडलक बैसारक बाद मुख्यमंत्री योगी आ सभ मंत्री अरैल घाटसँ संगम लेल प्रस्थान कयलनि। बाटमे साइबेरियाई चिड़ै आ माछकेँ अनाज खुआओल। एकर बाद मुख्यमंत्री योगी आ सभ मंत्री संगममे स्नान कयलथि। मुख्यमंत्री योगी आदित्यनाथ, उपमुख्यमंत्री केशव प्रसाद मौर्य, ब्रजेश पाठक आ अन्य कैबिनेट मंत्रीक संग महाकुंभक दौरान त्रिवेणी संगम पर पूजा-अर्चना कयलनि।
मुख्यमंत्री योगी आदित्यनाथ कैबिनेट बैसारक बाद बैसारमे भेल चर्चाक जानकारी दैत कहलनि कि रोजगारक लेल नव नीति बनयबाक चर्चा भेल। एहि नीतिमे बड़का निवेश केर आमंत्रित करय लेल रोजगार, प्रोत्साहनक संबंधमे चर्चा भेल। एकर संगहि युवाकेँ स्मार्टफोन आ टैबलेट देबाक मामिला पर कैबिनेटक बैसारमे चर्चा भेल अछि। कैबिनेट बागपत, हाथरस आ कासगंजमे नव मेडिकल कॉलेज खोलबाक प्रस्तावकेँ मंजूरी देलक अछि। प्रयागराज लग चारि लेनक पुल बनयबाक प्रस्तावकेँ मंजूरी देल गेल अछि।
