उत्तर प्रदेशक मुख्यमंत्री योगी आदित्यनाथ रामनवमीक पावन अवसर पर अयोध्यामे श्री राम ललाक ललाट पर सूर्य तिलक केर दृश्यकेँ सनातन राष्ट्रक आस्थाक प्रतीक बतौलथि।
ओ अपन सोशल मीडिया प्लेटफॉर्म एक्स पर एहि खास पल केर ल’ क’ एकटा भावुक पोस्ट साझा कएलनि, जाहिमे ओ भारतक संस्कृति आ परंपरा सभक दिव्यताक अभिव्यक्ति मानलथि।
ओ आगू कहलथि कि ई सूर्य तिलक सम्पूर्ण भारतक आत्मगौरवक प्रकाशसँ आलोकित कऽ रहल अछि आ ई हमर संस्कृतिक पवित्रताकेँ दर्शावैत अछि।
मुख्यमंत्री ई सेहो कहलथि कि ई दिव्य क्षण ‘विकसित भारत-आत्मनिर्भर भारत’क प्रत्येक संकल्पकेँ अपन आभासँ प्रकाशित करत। पोस्टक अंतमे ओ “जय जय श्री राम!” लिखि अपन भक्ति आ उत्साहकेँ व्यक्त कएलनि।
जनतब जे रामनवमीक अवसर पर अभिजीत मुहूर्त पर श्री राम लला केर ललाट पर सूर्य तिलक भेल। करीब चारि मिनट धर ई दुर्लभ संयोग रहल। दुनिया एहि अभूतपूर्व पलक गवाह बनल। सूर्य तिलकक संगहि मन्दिरमे आरती कएल गेल। एकर पहिले किछु समय लेल मन्दिरक पट बंद कयल गेल। गर्भगृहक लाइट बंद कयल गेल, ताकि सूर्य तिलक स्पष्ट देखाइ दै। सूर्य तिलककेँ ल’ क’ शनि केँ आखिरी ट्रायल कएल गेल। आठ मिनट धरि चलल एहि ट्रायलक दौरान इसरोक संग-संग आईआईटी रुड़की आ आईआईटी चेन्नईक विशेषज्ञ सेहो उपस्थित रहल।
रामनवमी पर दोसर बेर रामललाक ललाट पर सूर्य तिलक कएल गेल अछि। एकर सीधा प्रसारण देश-दुनियाक लोकक द्वारा देखल गेल। रामनवमीक अवसर पर बितल साल सेहो रामललाक सूर्य तिलक कएल गेल छल। ट्रस्ट निर्णय लेलक अछि जे आगाँक बीस वर्ष धर लगातार सूर्य तिलक होइत रहत।
