आरजेडी संग समस्त विपक्षी दल एहून मांग कए रहल अछि। बिहारक मुख्य विपक्षी पार्टी आरजेडी भारत-पाक बीच युद्ध विराममे अमेरिकाक कथित मध्यस्थताकेँ लेल सरकारकेँ घेरलक अछि। एहि पर बीजेपी पलटवार कएलक आ कहलक जे ई राजनीति करबाक समय नहि अछि। सबकेँ मिलि कय सेनाकेँ मनोबल बढ़ेबाक चाही।
दरअसल भारत आ पाक बीच चलि रहल तनावकेँ ख़त्म करबाक लेल 10 मईकेँ युद्ध विरामक घोषणा कएल गेल। तकर बाद आरजेडी पहलगाम आतंकवादी हमला, ऑपरेशन सिंदूर, सीजफायर आ ओकर उल्लंघन पर चर्चा लेल संसदक विशेष सत्र बजाबय केर मांग कएलक अछि।
आरजेडी प्रवक्ता मृत्युंजय तिवारी कहलनि जे ऑपरेशन सिंदूरकेँ बाद पूरा देश देखि रहल छल की भारतीय सेनाकेँ पराक्रमक डंका पूरा विश्वमे बाजि रहल अछि। भारतीय सेना आतंकवादीक अड्डा पर निशाना बना रहल छल। आतंकक आकाकेँ सबक सिखा रहल छल। एहि बीच अमेरिकाक राष्ट्रपति डॉनल्ड ट्रंप भारत-पाकिस्तानक बीच सीजफायरकेँ घोषणा कएलक। एहीसँ पूरा हिंदुस्तान आश्चर्यचकित भऽ गेल कि आखिर कोन परिस्थितिमे सीजफायरकेँ घोषणा कएल गेल अछि। मृत्युंजय तिवारी कहलनि जे हमरा सभक मांग अछि जे एहि सभ स्थितिक स्पष्टता लेल संसदकेँ विशेष सत्र बजायल जाए। देशकेँ भरोसामे लेब आ बिंदुवार तरीकासँ पहलगाम आतंकवादी हमला, ऑपरेशन सिंदूर, सीजफायर आ ओकर उल्लंघन पर विस्तृत चर्चा होय। हमर विरोधी आतंकिस्तानकेँ एक कड़ा संदेश जाए जे आतंकवादक खिलाफ पूरा देश एकजुट अछि। सेनाकेँ पराक्रम वीरता शौर्यकेँ सब मिल कय धन्यवाद दियौ।
मृत्युतंय तिवारी आगू कहलनि जे आरजेडी सहित तमाम विपक्षी पार्टी एहि मांगकेँ उठा रहल छथि। ओहि ठाम जाहि तरहसँ अमेरिकाक हस्तक्षेपक बाद सीजफायर भेल। ई सम्पूर्ण देश जानय चाहैत अछि कि कोन परिस्थितिमे ई भेल ?
एहि लेल आरजेडी पर पलटवार करैत बिहार बीजेपी प्रवक्ता प्रेम रंजन पटेल कहलनि कि आतंकवादी पाकिस्तानसँ कखनो समझौता नहि कएल जा सकैत अछि। ई सम्पूर्ण मामिला युद्धसँ जुड़ल अछि। आतंकवादसँ जुड़ल अछि। विपक्षी पार्टी सभकेँ एहि पर राजनीति नहि करबाक चाही। ई समय एकताक अछि। सभकेँ मिलिकय सेनाक मनोबल बढ़ाबऽ केर चाही। आतंकवादसँ मुक्ति पाबय लेल सबकेँ एकजुट होयबाक चाही।
