मुख्यमंत्री नीतीश कुमार प्रगति यात्राक चारिम चरणमे 11 दिनमे 7 जिलाक करताह दौरा

पटना
*

मुख्यमंत्री नीतीश कुमारक प्रगति यात्राक तेसर चरण २७ जनवरीकेँ समाप्त होयत। एकर बाद प्रगति यात्राक चारिम चरण १ फरवरीसँ प्रारम्भ होयत।

एहि साल बिहारमे विधानसभा चुनाव हेबाक अछि। ओहिसँ पहिने मुख्यमंत्री नीतीश कुमार पूरा बिहारमे प्रगति यात्रा निकालि रहल छथि। आब मुख्यमंत्रीक प्रगति यात्राक चारिम चरणक कार्यक्रम जारी कऽ देल गेल अछि। एकर अनुसार मुख्यमंत्री ११ दिनमे सात जिलाक दौरा करताह।

प्रगति यात्राक दौरान मुख्यमंत्री नीतीश नहिं मात्र विकास कार्यक निरीक्षण करताह बल्कि जनतासँ सीधा संवाद सेहो करताह।

मुख्यमंत्री नीतीश कुमारक चारिम चरणक प्रगति यात्रा अगिला मास १ फरवरीसँ शुरू होबयवला अछि। १ फरवरीकेँ मुख्यमंत्री प्रगति यात्राक दौरान भागलपुर पहुंचताह। ओ साँझमे पटना घुरि अयताह। एकर बाद २ फरवरीकेँ मुख्यमंत्री बांकामे प्रगति यात्राक दौरान विकास कार्यक निरीक्षण करताह। मुंगेर ६ फरवरी, लखीसराय आ शेखपुरा ८ फरवरी, १० फरवरीकेँ जमुई आ ११ फरवरीकेँ यात्राक अंतिम दिन नावदा जयताह।

यात्राक तेसर चरण २७ जनवरीकेँ समाप्त होयत।
वर्तमानमे प्रगति यात्राक तेसर चरण चलि रहल अछि, जे १६ जनवरीसँ शुरू भेल आ २७ जनवरीकेँ समाप्त होयत। यात्राक तेसर चरणमे मुख्यमंत्री १२ दिनमे ७ जिलाक दौरा कऽ रहल छथि। एहिसँ पहिने दोसर चरणमे पाँच जिलाक दौरा कयल गेल छल। एहि दौरान ओ करोड़ो टाकाक योजनाक उद्घाटन आ शिलान्यास कयलनि। मुख्यमंत्री नीतीश कुमार यात्राक तेसर चरणक दौरान २३ जनवरीकेँ सहरसा जिला पहुँचल छलाह। ओ २१० करोड़ टाकासँ बेसी लागतक ५२ टा विकास परियोजनाक उद्घाटन आ शिलान्यास कयलनि।

मुख्यमंत्री सहरसाक सत्तरकटैया प्रखंडक मेनहा गाममे १०+२ हाई स्कूलक प्रांगणमे विद्यालय भवनक उद्घाटन कयलनि। ओ खेलक मैदान आ कचरा प्रसंस्करण इकाईक निरीक्षण कयलनि। यात्राक क्रममे ओ सरकारी मेडिकल कॉलेज आ अस्पतालक लेल निर्धारित जमीनक निरीक्षण सेहो कयलनि। ओ विभिन्न कल्याणकारी योजनाक अन्तर्गत लाभार्थीसभकेँ स्वीकृत राशिक चेक सेहो सौंपलनि।