मुख्यमंत्रीक एक दिवसीय दौरा छल। मुख्यमंत्री नीतीश कुमार सहरसा दौरासँ जहिना घुरलाह तखने माछ लूटबाक एहेन दृश्य देखल गेल, जकरा देखि सभ दंग रहि गेल।
बिहारक सहरसा जिलामे शुक्रदिन एकटा अलग दृश्य देखल गेल। मुख्यमंत्री नीतीश कुमारकेँ गेलाक बाद एतय लोक प्रदर्शनीक माछ लूटय लागल। आब माछ लूटक वीडियो वायरल भऽ रहल अछि। दरअसल, मुख्यमंत्री नीतीश कुमार शुक्र दिन सहरसाक दौरा पर गेल छलाह। एतय ओ विभिन्न विकास योजनाक उद्घाटन आ शिलान्यास सेहो कयलनि। मुख्यमंत्रीक एहि कार्यक्रममे मत्स्य विभाग द्वारा एकटा प्रदर्शनी सेहो आयोजित कयल गेल छल।
एकटा पैघ बायोफ्लोक स्थापित कय पानिसँ भरि देल गेल छल। सीएम एहि बायोफ्लोकमे माछ सेहो रखलनि। किछु समयक बाद जहिना मुख्यमंत्री नीतीश कुमार ओतयसँ चलि गेलाह, लोक ओहि माछकेँ लूटबाक लेल टूटि पड़ल। लोक ओहि माछकेँ लूटबाक लेल झपटय लागल। आब माछक अद्वितीय लूटक वीडियो तेजीसँ वायरल भऽ रहल अछि। ई घटना सहरसा जिलाक अमरपुरमे लागल प्रदर्शनीक क्रममे भेल।
वायरल वीडियोमे ई स्पष्ट रूपसँ देखल जा सकैत अछि जे लोक एहि पैघ बायोफ्लॉककेँ अपना दिस खींचि रहल छथि। जखनिकि, किछु बच्चा एकरा भीतर कूदि रहल अछि। एहि दौरान लोक हल्ला सेहो कऽ रहल छथि। लोकसभकेँ हाथमे माछ देखबाक समाचार सेहो भेटैत अछि। सरकारी अधिकारीसभकेँ एहन करयवला लोकक विषयमे सूचित कयल गेल। ओ रोकबाक लेल सेहो बहुत प्रयास कयलनि, मुदा ओ सफल नहिं भऽ सकलथि। प्राप्त खबरक अनुसार लोकक एहि अनूठा लूटक कारण मत्स्य विभागकेँ सेहो हजारो रुपयाक नुकसान भेल अछि।
मुख्यमंत्री नीतीश कुमार शुक्रदिन एक दिवसीय दौरा पर सहरसा गेलाह। एतय विभिन्न योजनाक उद्घाटन कयलाक बाद ओ पटना घुरि अयलाह। उद्घाटनक समय ओतय माछक प्रदर्शनी सेहो आयोजित कयल गेल छल, जाहिमे सुन्दर माछ देखल गेल छल। मुख्यमंत्रीक गेलाक बाद लोक ओहि माछ केर लूटय लागल। किछु गोटे तऽ माछवाला पानिमे मस्ती करय लगलाह।
