आधुनिक मैथिलानी पटना ईकाई द्वारा चेतना समिति विद्यापति भवन पटनामे फगुआ मिलन

पटना समदिया
*

दिन शनि आ तारीख 24/02/24 कऽ मिथिला मैथिलीक शीर्षस्थ बिहारक चेतना समिति विद्यापति भवन पटनामे आधुनिक मैथिलानी पटना ईकाई द्वारा एडमिन श्रीमती बेनी झाक नेतृत्वमे फगुआ मिलन उत्सव दीप प्रज्ज्वलनक संग’ जय जय भैरवि..’ भगवती वन्दनासँ शुरू भेल | अनुपम झा द्वारा मंच संचालन आ पीयूषीक गणेश वन्दना पर नृत्यक संग कार्यक्रम आगू बढ़ल | तकरा बाद समूहक सखी सभ द्वारा फगुआ पर रंग बिरंगक मनमोहक गीतक प्रस्तुति देल गेल | बच्चा सभकेॅ द्वारा मैथिली गीत ‘ मिथिलामे राम खेलथि होरी ‘पर बड्ड नीक प्रस्तुतिसँ सभक मन मोहि लेलक | आधुनिक मैथिलानी समूहक सम्बन्धमे रेखा झा आ फगुआ पर शोभा झा कविता वाचन कऽ कार्यक्रमकेँ रोचकता प्रदान कयलनि। मैथिली कव्वालीसँ कार्यक्रममे चारि चाँद लागि गेल। अन्तमे आधुनिक मैथिलानीक तरफसँ बच्चा सभकेॅ पुरस्कृत करैत श्रीमती बेनी झाक द्वारा प्रमाण पत्र आ दीपिका झा द्वारा रचित ‘ललना रे’ मैथिली पुस्तक श्रीमती मंजु झा आ रेखा झा द्वारा प्रदान कयल गेल।