एक दिनक वृद्धिक बाद घरेलू सर्राफा बजारमे एक बेर फेर गिरावट आयल अछि। आइ सोना ४०० रुपयासँ ४५० रुपया प्रति १० ग्राम तक टूटि गेल अछि। तहिना चांदीमे सेहो आइ २,५०० रुपया प्रति किलोग्रामक गिरावट आयल अछि। आइ देशक अधिकांश सर्राफा बाजार मे २४ कैरेट सोना ७३,०२० रुपयासँ ७२,८७० रुपया प्रति १० ग्राम केर दायरामे कारोबार कऽ रहल अछि। तहिना २२ कैरेट सोना आइ ६६,९५० रुपया आ ६६,८०० रुपया प्रति १० ग्राम बिकि रहल अछि। चांदी मूल्य दिल्ली बाजारमे एक किलोग्राम चांदी ८४,५०० रुपया प्रति किलोग्राम केर स्तर पर पहुंचि गेल अछि।
राष्ट्रीय राजधानी दिल्ली मे २२ कैरेट सोना ७३,०२० रूपया प्रति १० ग्राम आ २४ कैरेट सोना प्रति १० ग्राम पर बिक रहल अछि। मुम्बईमे २४ कैरेट सोना प्रति १० ग्राम ७२,८७० रुपया आ २२ कैरेट सोना प्रति ६६,८०० प्रति १० ग्राम पर बिक रहल अछि।
देशक अन्य राज्य जकाँ कर्नाटक, तेलंगाना आ ओडिशाक सराफा बजारमे सेहो सोना सस्ता भऽ गेल अछि। बेंगलुरु, हैदराबाद आ भुवनेश्वरमे आइ २४ कैरेटक सोना ७२,८७० रुपया प्रति १० ग्राम पर कारोबार कऽ रहल अछि। तहिना एहि तीनू शहरक सर्राफा बाजार मे २२ कैरेट सोना ६६,८०० रुपया प्रति १० ग्रामक दरसँ बिकि रहल अछि।
