भारतीय जनता पार्टी (भाजपा) आगामी दिल्ली विधानसभा चुनावक लेल शनिदिन अपन उम्मीदवारक पहिल सूची जारी कयलक। भाजपा 29 उम्मीदवारकेँ टिकट देलक अछि। भाजपा कालकाजी विधानसभा सीटसँ दिल्लीक मुख्यमंत्री आतिशीक विरुद्ध पूर्व सांसद रमेश बिधूड़ीकेँ मैदानमे उतारलक अछि, जखनि कि पूर्व सांसद प्रवेश वर्माकेँ नई दिल्ली विधानसभा सीटसँ अरविंद केजरीवालक विरुद्ध मैदानमे उतारल गेल अछि। कांग्रेस दिल्लीक पूर्व मुख्यमंत्री शीला दीक्षितक बेटा संदीप दीक्षितकेँ नई दिल्ली सीटसँ अपन उम्मीदवारक रूपमे मैदानमे उतारने अछि।
आम आदमी पार्टी छोड़ि भाजपामे शामिल भेल कैलाश गहलोतकेँ बिजवासन विधानसभा सीटसँ टिकट देल गेल अछि।
बीजेपी केर लिस्टमे आदर्श नगर विधानसभासँ राजकुमार भाटिया, बादलीसँ दीपक चौधरी, रिठालासँ कुलवंत राणा, नागलोई जाटसँ मनोज शौकीन, मंगोलपुरी (एससी) सँ राजकुमार चौहान, रोहिणीसँ विजेंद्र गुप्ता, शालीमार बागसँ रेखा गुप्ता, मॉडल टाउनसँ अशोक गोयल, करोल बाग (एससी) सँ दुष्यंत कुमार गौतम, पटेल नगर (एससी) सँ राजेंद्र कुमार आनंद आ राजौरी गार्डनसँ सरदार मनजिंदर सिंह सिरसाक नाम अछि।
एकर अलावा जनकपुरी विधानसभा सीटसँ आशीष सूद, बिजवासनसँ कैलाश गहलोत, नई दिल्लीसँ प्रवेश साहिब सिंह वर्मा, जंगपुरासँ सरदार तरविंदर सिंह मारवाह, मालवीय नगरसँ सतीश उपाध्याय, आरके पुरमसँ अनिल शर्मा, महरौलीसँ गजेंद्र यादव, छतरपुरसँ करतार सिंह तंवर, अंबेडकर नगर (एससी) सँ खुशीराम चुनार, कालकाजीसँ रमेश बिधूड़ी, बदरपुरसँ नारायण दत्त शर्मा, पटपड़गंजसँ रविंद्र सिंह नेगी, विश्वास नगरसँ ओम प्रकाश शर्मा, कृष्णा नगरसँ अनिल गोयल, गांधीनगरसँ सरदार अरविंद सिंह लवली, सीमापुरी (एससी) सँ कुमारी रिंकू, रोहतास नगरसँ जितेंदर महाजन आ गोहानासँ अजय महावरकेँ उम्मीदवार बनाओल गेल अछि।
