बिहारक निवर्तमान मुख्य सचिव आमिर सुबहानी हेताह राज्य विद्युत आयोगक अध्यक्ष

आईएएस आमिर सुबहानी, जे एक मासमे सेवानिवृत्त हेताह, आब विद्युत नियामक आयोगक अध्यक्षक पदभार सम्हारताह। आईएएस अधिकारी ब्रजेश मेहरोत्रा आब मुख्य सचिव हेताह।
*
पटना
*

बिहारक निवर्तमान मुख्य सचिव आमिर सुबहानी बिहार विद्युत नियामक आयोग (बीएआरसी)क अध्यक्षक पदभार सम्हारताह। ई जानकारी रविदिन एकटा आधिकारिक अधिसूचनामे देल गेल। ई अधिसूचना वरिष्ठ आईएएस अधिकारी ब्रजेश मेहरोत्राकेँ ४ मार्चकेँ नव मुख्य सचिवक रूपमे कार्यभार सम्हारबाक घोषणाक एक दिन बाद आयल अछि।

अधिसूचनामे कहल गेल अछि, “सुबहानी, जे एक मासमे सेवानिवृत्त हेताह, विद्युत नियामक आयोगक अध्यक्षक रूपमे कार्यभार सम्हारबाक दिनसँ पाँच सालक अवधिक लेल अथवा ६५ वर्षक आयु धरि आयोगक नेतृत्व करताह। १९८७ मे सिविल सेवा परीक्षामे शीर्ष स्थान प्राप्त कयनिहार सुबहानी दिसम्बर २०२१ मे राज्यक मुख्य सचिवक पदभार सम्हारलनि।

अधिसूचनामे कहल गेल अछि जे बिजली अधिनियम, २००३ केर धारा २ के उपधारा (५) आ धारा ६५ के उपधारा (१) द्वारा प्रदत्त शक्तिक प्रयोग करैत बिहारक मुख्य सचिव आमिर सुबहानीकेँ अपन प्रभार ग्रहण होए के तारीख सँ बिजली अधिनियम, २००३ केर धारा ३ केर प्रावधानक तहत ५ साल वा ६५ सालक आयु जे पहिने होय, धरि बिहार विद्युत नियामक आयोगक अध्यक्षक पद पर अध्यक्षक नियुक्ति नहिं कयल जाइत अछि।

आगू अधिसूचनामे इहो कहल गेल अछि “बिहार विद्युत नियामक आयोग (अध्यक्ष आ सदस्यक सेवाक शर्त) नियम, २००३ बिहार सरकारमे अध्यक्ष आ सदस्यक सेवा शर्त निर्धारित कयलक अछि। एहि सेवा शर्तक अनुसार, अध्यक्ष पदक लेल आमिर सुबहानी प्रति माह २.२५,०००/- रुपैया (दू लाख पच्चीस हजार) वेतन देय होयत, जे पहिनेसँ प्राप्त कोनो सम्भावित हिस्साक कटौतीक अधीन होयत।